ანზორ მელია - მინდა, „ოცნების“ ხელმძღვანელებს მივმართო, გამითავისუფლეთ ჩემი მძევალი პრეზიდენტი - ახლა მთავარია, გავერთიანდეთ ყველანი, ყველა პარტია, საქართველოა გადასარჩენი

არ აქვს ამას მნიშვნელობა, სად ვიცხოვრებთ - თბილისში თუ ზუგდიდში, მაგრამ ახლა ვფიქრობ, წალენჯიხაში ხომ არ გავხსნა კლინიკა, რადგან თავისუფალი კუნძულია და განვითარება უფრო შეიძლება , - ამის შესახებ ანზორ მელიამ ზუგდიდში მიმდინარე აქციაზე, სიტყვით გამოსვლისას განაცხადა.

ანზორ მელიამ „ქართულ ოცნებასა“ და პრემიერ-მინისტრ ირაკლი ღარიბაშვილს მიმართა, რომ ყოფილი პრეზიდენტი მიხეილ სააკაშვილი საპატიმროდან უნდა გათავისუფლდეს.

მისი თქმით, დაწყებული ბრძოლა მიყვანილი იქნება ბოლომდე.

„მადლობა, რომ მიმიღეთ ზუგდიდელად ამდენი წლის განშორების შემდეგ. მე უბედნიერესი კაცი ვარ, რაც ვნახე ჩემს ზუგდიდში - სიყვარული და პატივისცემა, ჩემსა და ჩემი შვილის მიმართ. სულით და გულით ვიბრძოლებ. მაბრალებენ, რომ სოფლები არ იცისო, ორჯერ შემოვიარე ყველა სოფელი. გაოცებული ვარ თქვენი შრომისმოყვარეობით, ძალისხმევით, მოვლილი კარ-მიდამოთი. 6,5% ვუსწრებდი პირველი ტურის შემდეგ, მაგრამ დავმარცხდი 3,5%-ით, თუმცა, ეს არ იყო არჩევნები, ეს იყო ომი. ხელისუფლება შეეკრა კრიმინალებს, „შავ ბიჭებს“ და ყველა ერთად მოქმედებდა. მოპარული არჩევნები, მერის სავარძლის ჩაგდება, რა ვაჟკაცობაა. თანაც, ეს არჩევნები მხოლოდ მერის არჩევნები კი არ იყო, ჩვენი სასიქადულო, საამაყო პრეზიდენტის, მიხეილ სააკაშვილის გათავისუფლების მოთხოვნა იყო.

მინდა, „ოცნების“ ხელმძღვანელებს მივმართოთ, დავუშვათ, ჩაატარეთ დემოკრატიული არჩევნები, მოიგეთ ყველაფერი, მაგრამ დემოკრატიულ ქვეყანას, რაც ეკადრება ისე მოიქეცით - გამითავისუფლეთ ჩემი მძევალი პრეზიდენტი და ის ბიჭები, რომლებიც ჩვენ ხმას იცავდნენ, რომ შეაგდეთ ჯურღმულში. ღარიბაშვილს მივმართავ, რომ გამოდიხარ იქ, რაღაც სამიტზე და თავი მოგწონს ხალხით, თქვენ წინააღმდეგ არის, თქვენს კანონებს არ ვემორჩილებით და არც დავემორჩილებით. ზუგდიდი არის გმირი ხალხის ქალაქი, ის გააკეთებს ყველაფერს. ახლა დრო არ არის, რომელ პარტიას მიეკუთვნება ადამიანი, ახლა მთავარია, რომ გავერთიანდეთ ყველანი, ყველა პარტია, საქართველოა გადასარჩენი. მითხრას მთავრობამ, რომელი დარგი ააყვავა საქართველოში? - ყველა ძირს ვაგდივართ. არ შეიძლება ასე, გეყოფათ რაა! მესამედ არჩევა არ გამიგია არსად. იცოდეთ, რომ ჩვენ ბრძოლას არ დავთმობთ. მე ზუგდიდელი ვარ თავიდან ბოლომდე. არ აქვს ამას მნიშვნელობა, სად ვიცხოვრებთ- თბილისში თუ ზუგდიდში, მაგრამ ახლა ვფიქრობ, წალენჯიხაში ხომ არ გავხსნა კლინიკა, რადგან თავისუფალი კუნძულია და განვითარება უფრო შეიძლება. დაღუპული ვართ, ახალგაზრდები ტოვებენ საქართველოს, მოხუცების ხელში რჩება ქვეყანა და დავიღუპებით“, - განაცხადა ანზორ მელიამ.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა