„ნაციონალური მოძრაობის“ წევრის განცხადებით, ფოთში, ბაზრის დირექტორი ფიზიკურად გაუსწორდა, რის გამოც პროკურატურას მიმართა

„ნაციონალური მოძრაობის“ წევრის ნუკრი რობაქიძის განცხადებით, მას შემდეგ რაც ფოთში, ბაზრის დირექტორი ნოდარ კორსანტია ფიზიკურად გაუსწორდა, პროკურატურას გაცხადებით მიმართა.

მისი თქმით, ფაქტზე პოლიციას ამ დრომდე რეაგირება არ მოუხდენია. როგორც რობაქიძე ამბობს, კორსანტია მას კერძო საკუთრებაში შეჭრაში ადანაშაულებს.

„ჯერ პოლიციას რეაგირება არ მოუხდენია, პირიქით, ბაზრის დირექტორმა აქეთ წამომიყენა პრეტენზია, რომ მე შეუვარდი კერძო საკუთრებაში. ასეთი რამ არ მომხდარა. ფიზიკურად თუ როგორ მისწორდება ამის ვიდეომასალა არსებობს. ადვოკატები შევლენ და გაესაუბრებიან. მოვაჭრეებს, რომლებსაც კორსანტია თევზის რეალიზაციის უფლებას არ აძლევდა, შევეცადე დავხმარებოდი, თუმცა რითი დასრულდა ყველამ კარგად იცის. მიკვირს, სამართალდამცავები რეაგირებას რატომ არ ახდენენ ამ ფაქტზე. გამორიცხული არაა, რომ კორსანტიას მფარველობდეს პოლიცია, რადგან მე "ნაციონალური მოძრაობის“ წევრი ვარ,“- განაცხადა ნუკრი რობაქიძემ.

ამასთან, შსს-ს ინფორმაციით, მომხდარ ფაქტზე უწყებამ რეაგირება უკვე მოახდინა. მათივე ინფორმაციით, გამოძიება სსკ-ის 126-ე მუხლით დაიწყო, რაც ძალადობას გულისხმობს. ბაზრის დირექტორი სავარაუდოდ, დღეს დაიკითხება.

შეგახსენებთ, რომ გარემოვაჭრეები, რომლებიც თევზის რეალიზაციას ეწევიან, ბაზრის დირექტორს, ნოდარ კორსანტიას შევიწროებაში ადანაშაულებენ. ოპოზიციის წარმომადგენელი აცხადებს, რომ კორსანტიასთან მოვაჭრეთა მოთხოვნის გადასაცემად მივიდა, თუმცა მან საკუთარი კაბინეტიდან გააძევა და ფიზიკური შეურაცხყოფა მიაყენა.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა