აჭარის მთავრობის თავმჯდომარემ თორნიკე რიჟვაძემ უნგრეთის ელჩთან ანა მარია შიკოსთან გაცნობითი ხასიათის შეხვედრა გამართა.

აჭარის ავტონომიური რესპუბლიკის მთავრობის ინფორმაციით, თორნიკე რიჟვაძემ უნგრეთის ელჩს აჭარის საინვესტიციო და ტურისტული პოტენციალი გააცნო.

შეხვედრაზე ყურადღება გამახვილდა ორ ქვეყანას შორის უკანასკნელ პერიოდში ურთიერთობების გააქტიურების დადებით დინამიკაზე. დაიგეგმა თანამშრომლობა კულტურულ და გარემოს დაცვის სფეროებში.

თორნიკე რიჟვაძემ უნგრეთის მხარეს საქართველოს ევროატლანტიკურ სტრუქტურებში ინტეგრაციის გზაზე გამოხატული ურყევი მხარდაჭერისთვის მადლობა გადაუხადა“, - ნათქვამია განცხადებაში.