ცესკო-ს თავმჯდომარის მოადგილე - საარჩევნო ადმინისტრაცია დღესაც კი იღებს მილოცვებს პარტნიორებისგან სწორად და კარგად ორგანიზებული პროცესების გამო

საარჩევნო ადმინისტრაცია დღესაც კი იღებს მილოცვებს პარტნიორებისგან სწორად და კარგად ორგანიზებული პროცესების გამო, - ამის შესახებ ცესკოს თავმჯდომარის მოადგილე გიორგი შარაბიძემ „პალიტრანიუსის“ გადაცემაში „თავისუფალი სტუდია“ განაცხადა.

გიორგი შარაბიძის განცხადებით, საარჩევნო ადმინისტრაციამ გამჭვირვალედ და მაღალპროფესიულად განახორციელა არა მარტო კენჭისყრის დღის პროცესი, არამედ მისი მომზადების პროცესი და ეს ყველაფერი ასახულია საერთაშორისო დამკვირვებლების დასკვნებში.

„საარჩევნო ადმინისტრაციას ევალებოდა კენჭისყრის პროცესის იმგვარად წარმართვა, რომ ის ყოფილიყო ადგილობრივი კანონმდებლობის ჩარჩოში და მეორეს მხრივ ყოფილიყო საერთაშორისო სტანდარტებთან შესაბამისი, სწორედ ეს ამოვიკითხეთ ჩვენ საერთაშორისო დამკვირვებლების დასკვნაში. ვგულისხმობ არა მხოლოდ ეუთო/ოდირს, არამედ აშშ-ის საელჩოს, ბრიტანეთის საელჩოს, ყველა იმ ქვეყნის საელჩოს, რომელიც აკვირდებოდა მეორე ტურის არჩევნებს. რა თქმა უნდა, ის ჩანაწერი, რომ საარჩევნო ადმინისტრაციამ უზრუნველყო პროცესის მაღალპროფესიულ დონეზე ორგანიზება და ჩატარება, გვაძლევდა იმის საფუძველს და გვაძლევს დღესაც, ვთქვათ, რომ საარჩევნო ადმინისტრაციამ მეორე ტურის ჩატარების პროცესს მაღალპროფესიულ დონეზე გაართვა თავი იმ უამრავ გამოწვევასთან ერთად, ვგულისხმობ მაღალ პოლარიზაციას, ასევე, აქ უნდა მოვიყვანოთ ის მნიშვნელოვანი ფაქტორი, რასაც პანდემია ჰქვია, რომელიც არის უმნიშვნელოვანესი გამოწვევა არჩევნების ორგანიზებისას. სწორედ ამ ფაქტორების შეჯერებით, ის, რომ პროცესი იყო გამჭვირვალე, ის, რომ საარჩევნო ადმინისტრაცია რეაგირებდა ყველა შესაძლო დარღვევაზე, რაც კი ხდებოდა კენჭისყრის შენობაში, საარჩევნო ადმინისტრაციამ გამჭვირვალედ განახორციელა არა მარტო კენჭისყრის დღის პროცესი, არამედ მისი მომზადების პროცესი, ეს ყველაფერი ასახულია დასკვნებში და ვფიქრობ, რომ ამ მხრივ საარჩევნო ადმინისტრაცია დღესაც კი იღებს მილოცვებს პარტნიორებისგან სწორად და კარგად ორგანიზებული პროცესების გამო“, - განაცხადა გიორგი შარაბიძემ.

მისივე თქმით, გადათვლის პროცესი ისე წარიმართა, რომ შეუძლებელია შედეგებთან დაკავშირებით რაიმე ტიპის კითხვის ნიშნები არსებობდეს.

„იმ ნაწილზე, სადაც შეიძლებოდა ყოფილიყო ერთგვარი მანიპულაციის საგანი, რომ ვიდეოგადაღების ფიქსაცია ტექნიკური ან სხვა მიზეზის გამო ვერ შედგა. ამ უბნებიდან შემთხვევითი შერჩევის წესით გამოვავლინეთ უბნები და ისინიც გადავთვალეთ. შემდეგ უკვე საჩივრების საფუძველზე, სადაც კი იყო მნიშვნელოვანი ფაქტობრივი მონაცემი, რომელიც ითვალისწინებდა გადათვლილიყო უბნები, კიდევ დავამატეთ 15 უბანი და 274 უბანია მეორე ტურის შემდეგ გადათვლილი, თითოეული ოლქების მიხედვით გადანაწილებული. ეს არის 15%-მდე საარჩევნო უბნებისა ეს სტატისტიკურადაც კი იმხელა ციფრია, შეუძლებელია, რაიმე ტიპის კითხვის ნიშნები არსებობდეს შედეგებთან. გადათვლის შემდეგ იმდენად უმნიშვნელოა დაკლება და მომატება, რომ არა თუ საარჩევნო ოლქის შედეგებს საუბნო საარჩევნო კომისიის შემაჯამებელი ოქმის შედეგებს ვერ ცვლიდა“, - განაცხადა გიორგი შარაბიძემ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს