სამტრედიაში დაკავებული აქტივისტების მხარდამჭერი აქცია გაიმართა. აქციის მონაწილეები აქტივისტების დაკავებას აპროტესტებდნენ.

როგორც ცნობილია, "სირცხვილიას" ქუთაისის რეგიონული ოფისის ხელმძღვანელი მიშიკო მუმლაძე და აქტივისტი იმედა ონიანი ქუთაისში ცენტრალურ მოედანზე არჩევნების გაყალბების გასაპროტესტებლად წარწერის გაკეთებას ცდილობდნენ, როდესაც ისინი პოლიციამ დააკავა.

მათ პოლიციისთვის დაუმორჩილებლობის და კერძო შენობაში შეჭრას ედავებიან.