მე-12 პენიტენციურ დაწესებულებასთან, რუსთავი-გარდაბნის დამაკავშირებელ გზაზე საავტომობილო მოძრაობა აღდგა. ამასთან, აქტივისტებმა რუსთავის ციხის წინ გაშლილი კარვები გზის მოპირდაპირე მხარეს გადაიტანეს და ღამით იქ დარჩენას აპირებენ.
ცნობისთვის, რუსთავის #12 სასჯელაღსრულების დაწესებულებასთან გზა „ნაციონალური მოძრაობის“ მიერ ორგანიზებული საპროტესტო აქციის გამო იყო გადაკეტილი.
ამასთან, „ნაციონალური მოძრაობა“ მიხეილ სააკაშვილის სამოქალაქო კლინიკაში გადასაყვანად ხელისუფლებას 24-საათიან ვადას აძლევს.