თბილისში, თავისუფლების მოედანზე დაგეგმილ ოპოზიციის აქციას იმერეთიდან მხარდამჭერები უერთდებიან. მხარდამჭერები ქუთაისში, სპორტის სასახლესთან შეიკრიბნენ. მათი მთავარი მოთხოვნა მიხეილ სააკაშვილის გათავისუფლება ან პირველ ეტაპზე სამოქალაქო საავადმყოფოში გადაყვანაა.

მათი თქმით, არ დაუშვებენ იგივე შეცდომას, რაც პირველი პრეზიდენტის შემთხვევაში მოხდა და არ დაიშლებიან, ვიდრე მათი მოთხოვნა არ დაკმაყოფილდება.