ბექა ბასილაია - როგორ გგონიათ, მიხეილ სააკაშვილს შევხვდით? ადვოკატები ტელეფონით გავესაუბრეთ - აქ დაცვის უფლების შესაძლებლობაც კი არ არის
როგორ გგონიათ, რომ მიხეილ სააკაშვილს შევხვდით? ადვოკატები მას ტელეფონით გავესაუბრეთ - აქ დაცვის უფლების შესაძლებლობაც კი არ არის. ელემენტარული, კლიენტთან კონფიდენციალური ურთიერთობის დაცვაც შეუძლებელია, - ამის შესახებ მიხეილ სააკაშვილის ერთ-ერთმა ადვოკატმა, ბექა ბასილაიამ გლდანის ციხესთან განაცხადა.
როგორც მან აღნიშნა, ეს არის მესამე პრეზიდენტის გამოცხადებული მკვლელობის ქრონიკა.
„ამაში მონაწილეობას იღებს მთავრობა და პენიტენციური სამსახური. ეს უნდათ გააკეთონ ერთობლივი მონაწილეობით. ჩვენ ვიცით, რომ ხელისუფლება მიზნების მისაღწევად კრიმინალს ძალიან აქტიურად იყენებს. ამასთან ერთად, სახალხო დამცველმა ძალიან ნათლად ნახა, რა ვითარებაა აქ. ამ დაწესებულებაში შეუძლებელია მიხეილ სააკაშვილის ფიზიკური უსაფრთხოების უზრუნველყოფა და ნორმალური პროცესის წარმართვა. ის აუცილებლად უნდა გადაიყვანონ სამოქალაქო კლინიკაში“, - განაცხადა ბასილაიამ.
v-if="article.gallery" v-html="article.gallery"
