თემურ კუპატაძე - ვცხოვრობ მცხეთაში, სახლში, რომელიც გაფორმებულია ჩემს სახელზე და არაფერს ვმალავ

ვცხოვრობ მცხეთაში, სახლში, რომელიც გაფორმებულია ჩემს სახელზე და არაფერს ვმალავ, - ამის შესახებ კრიმინალური პოლიციის დეპარტამენტის დირექტორის მოადგილემ თემურ კუპატაძემ „ნაციონალური მოძრაობის" წევრ ლევან ხაბეიშვილთან დაპირისპირების შემდეგ ჟურნალისტებს განუცხადა.

როგორც კუპატაძემ განმარტა, უძრავი ქონება, რაზეც ხაბეიშვილი საუბრობს, ორი სახლის გაყიდვის შედეგად და კრედიტით იყიდა.

„წლების მანძილზე მქონდა სახლი, გავყიდე ერთი და მეორე და ვეძებდი შესაბამის ვარიანტს, რომ მეყიდა. არ მაქვს სახლის ქონის უფლება? ხაბეიშვილი, რომელიც არის კეკლუცი, კამერების წინ მოთამაშე, მოცეკვავე იძახის, რომ თურმე 2018 წლის შემდეგ ჩემს დეკლარაციას ვერ ნახულობს",- განაცხადა კუპატაძემ.

კითხვაზე, შესაძლებელია თუ არა, რომ შინაგან საქმეთა სამინისტროში მისი ანაზღაურებით შეეძინა იმ ღირებულების უძრავი ქონება, რაზეც ლევან ხაბეიშვილი საუბრობს, კუპატაძე ამბობს: "კალკულაცია ხომ არსებობს, დათვალეთ. საკმარისია და კრედიტებსაც გაჩვენებთ".

"მილიონიანიანი არ არის, 100 ათასიანია და შესაბამისად შეგიძლიათ ნახოთ კრედიტებიც",- განაცხადა კუპატაძემ.

იუსტიციის სამინისტროსთან „ნაციონალური მოძრაობის“ ერთ-ერთი ლიდერი ლევან ხაბეიშვილი და კრიმინალური პოლიციის დეპარტამენტის დირექტორის მოადგილე თემურ კუპატაძე ერთმანეთს სიტყვიერად დაუპირისპირდნენ.

დაპირისპირება ხაბეიშვილის სიტყვით გამოსვლას მოჰყვა, რომელმაც საზოგადოებას მიმართა ეკითხათ კრიმინალური პოლიციის ხელმძღვანელის მოადგილისთვის, თუ როგორ შეძლო მილიონებად შეფასებული ქონების შეძენა.

სტეპან  გრიგორიანი - ლავროვის გზავნილი სომეხი ხალხისთვის ასეთი იყო - რუსეთი უკრაინაში ბოლომდე იბრძოლებს, თქვენ კი გაფრთხილებთ - თუ  გააგრძელებთ ევროკავშირთან ინტეგრაციას, კარგ დღეში თქვენც არ იქნებით
ქართული პრესის მიმოხილვა 22.05.2025
ლევან ალაფიშვილი - „ქართული ოცნება“ ერთი მხრივ დემოკრატიულ ინსტიტუტებზე ახდენს თავდასხმას, ხოლო მეორე მხრივ რეპრესიულ მექანიზმებს აძლიერებს
ნატო ჩხეიძე თეა წულუკიანს და საგამოძიებო კომისიას პასუხობს
ნატალია ქუთათელაძის გზა პირველი ყულაბიდან ფინანსურ სტაბილურობამდე - „ხალიკ ბანკი ყველაზე დიდი ყაზახური ფინანსური ინსტიტუტია საქართველოში - შესაბამისად, როცა საქმე ანაბარს ეხება, დარწმუნებული ვარ, რომ ჩემი ფინანსები სანდო ხელშია“
„სილქნეტი“ განცხადებას ავრცელებს
ფრანგმა სპეციალისტებმა PSP-ს ქსელის თანამშრომლებისა და ქართველი ინფლუენსერებისთვის ფრანგული დერმატოლოგიური ბრენდის „გამაღდეს“ პრეზენტაცია გამართეს
დეველოპერული კომპანია „ბიოგრაფი ლივინგი“ მოსახლეობას შვეიცარიული „შინდლერის“ ლიფტებით მოემსახურება
პირველი SWISSÔTEL გუდაურში - „პეტრა ჯგუფი“ განვითარების ახალ ეტაპზე გადადის