დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, დღეის მდგომარეობით, 12-დან 15 წლამდე ასაკის 150-200-მდე მოზარდია აცრილი. ამის შესახებ მან ჟურნალისტებს განუცხადა.
„მოზარდების ვაქცინაცია დაიწყო. უფრო აქტიურდება 12-15 წლის მოზარდების ვაქცინაცია. გუშინწინ მოეწერა იმ ბრძანებას ხელი, რომელიც იმუნიზაციის საბჭომ გადაწყვიტა და დღეს უკვე 150-200-მდე მოზარდია აცრილი,“- განაცხადა გამყრელიძემ.
ცნობისთვის, იმუნიზაციის საბჭოს გადაწყვეტილებით, 12-დან 15 წლამდე ასაკის ბავშვების „ფაიზერით“ ვაქცინაცია შესაძლებელი გახდა.