დღეს, „ჯორჯიან უოთერ ენდ ფაუერი“ ისნის რაიონში, ბეგიაშვილის ქუჩაზე, ვაზისუბნის სატუმბო სადგურის მიმდებარედ წყალსადენის ქსელზე დაზიანების აღსადგენად გადაუდებელ სამუშაოებს განახორციელებს.

„ჯორჯიან უოთერ ენდ ფაუერის“ ინფორმაციით, ამ დროისთვის ადგილზე მობილიზებულია კომპანიის ტექნიკური ჯგუფები და მოსამზადებელი სამუშაოები მიმდინარეობს. რთული აღდგენითი სამუშაოები სატუმბო სადგურის მკვებავი მაგისტრალური ქსელის ორ სხვადასხვა მონაკვეთზე ინტენსიურ რეჟიმში ჩატარდება.

„ აღნიშნულთან დაკავშირებით, წყალმომარაგების ქსელის წყლისგან დაცლაა აუცილებელი, რის გამოც დღეს, 12 ნოემბერს, საღამოს 19:00 საათიდან 13 ნოემბრის დილის 11:00 საათამდე წყალმომარაგება შეეზღუდება:

ისნის რაიონში: ვაზისუბნის I-IV მიკრორაიონებს, ვაზისუბნის დასახლებას, კვაჭანტირაძის, ღვალაძის, მხატვართა, ხელოვანთა, დავითაიას, პილსუდსკის, მუსხელიშვილის, ლეჟავას, პატარიძის, მშველიძის, ვაზის და მიმდებარე ქუჩებს; ყვარლის, შანდორ პეტეფისა და წულუკიძის ქუჩების ნაწილს.

„ჯორჯიან უოთერ ენდ ფაუერი“ ბოდიშს უხდის მომხმარებლებს შექმნილი დისკომფორტისთვის. სამუშაოების მიმდინარეობისას, წყალმომარაგების სრულად აღდგენამდე, კომპანია მოსახლეობას წყალს ცისტერნებით მიაწვდის.

წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, „ფეისბუქისა“ და ვებგვერდის მეშვეობით - http://www.gwp.ge“, - აღნიშნულია გავრცელებულ ინფორმაციაში.