"ერთიანი ნაციონალური მოძრაობის" აჭარის ორგანიზაციის ორმა წევრმა კახაბერ მიქელაძემ და ალექსანდრე ბერიძემ პროტესტის ნიშნად პარტიის ოფისში შიმშილობა დაიწყო. ისინი მიხეილ სააკაშვილის მრავალპროფილურ საავადმყოფოში გადაყვანას ითხოვენ.

კახაბერ მიქელაძის თქმით, ისინი ოპოზიციის პროტესტს უერთდებიან. მათი თქმით, ოპოზიციის მოთხოვნის დაკმაყოფილებამდე პროტესტის შეწყვეტას არ აპირებენ.