ფინანსთა მინისტრი - ველოდებით ინფლაციის მაჩვენებლის ეტაპობრივ კლებას და წლის ბოლომდე მიზნობრივ მაჩვენებელთან დაბრუნებას

მიუხედავად ტურიზმის არასრული აღდგენისა, წელს მიმდინარე ანგარიშის დეფიციტი მაინც გაუმჯობესდა, - ამის შესახებ ფინანსთა მინისტრმა, ლაშა ხუციშვილმა 2022 წლის ბიუჯეტის პროექტის გადამუშავებული ვერსიის წარდგენისას განაცხადა.

როგორც მან აღნიშნა, პანდემიამ ყველაზე მეტად ტურიზმის სექტორი დააზიანა.

„ჩვენს ეკონომიკაში ტურიზმის მაღალი წილი იყო მიზეზი იმისა, რომ პანდემიის გავლენა ერთ-ერთი მაღალი გვქონდა რეგიონში. გასულ წელს, მარტის შემდგომ თითქმის განულდა ტურისტული ვიზიტები, რაც საკმაოდ მძიმე დარტყმა იყო სექტორისთვის. მიმდინარე წელს, გაზაფხულიდან მოყოლებული ეტაპობრივად ხდება ტურიზმის აღდგენა და ივლისის თვიდან ტურიზმიდან მიღებული შემოსავალი 2019 წლის 50 პროცენტს აჭარბებს. წლის დასაწყისის დაბალი ტემპის გათვალისწინებით, 2021 წელს ტურიზმიდან ეკონომიკაში მიღებული შემოსავლები 2019 წლის მესამედს მიაღწევს“, - განაცხადა ფინანსთა მინისტრმა, ლაშა ხუციშვილმა.

მისივე თქმით, სწრაფი აღდგენა ფიქსირდება საგარეო ვაჭრობაშიც. მაღალი ტემპებით იზრდება ფულადი გზავნილებიც და 2019 წლის მაჩვენებელს 40 პროცენტით აღემატება. ინფლაციაზე საუბრისას, ფინანსთა მინისტრმა აღნიშნა, რომ მაღალი ინფლაცია პანდემიის ერთ-ერთი ყველაზე ხანგრძლივად შენარჩუნებული ეკონომიკური პრობლემაა მთელ მსოფლიოში.

„უმეტესწილად ჩვენი ორნიშნა ინფლაცია ერთჯერადი ფაქტორებითაა გამოწვეული. მომდევნო წლის მარტიდან, ერთჯერადი ფაქტორების ამოწურვის პარალელურად, ჩვენ ველით ინფლაციის მაჩვენებლის ეტაპობრივ კლებას და წლის ბოლომდე მიზნობრივ მაჩვენებელთან დაბრუნებას“, - განაცხადა ფინანსთა მინისტრმა, ლაშა ხუციშვილმა.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები