ბათუმის საკრებულოს ახალი მოწვევის ოპოზიციონერი დეპუტატები ითხოვენ, დროულად ჩაინიშნოს ახალი საკრებულოს პირველი სხდომა

ბათუმის საკრებულოს ახალი მოწვევის ოპოზიციური დეპუტატები ითხოვენ, დროულად ჩაინიშნოს ახალი საკრებულოს პირველი სხდომა.

ოპოზიციის წევრებმა საგანგებო ბრიფინგი გამართეს და განაცხადეს, რომ წინა მოწვევის საკრებულო რიგგარეშე სხდომებით შეეცდება აჭარის მთავრობას ქონება დაჩქარებული წესით გადასცეს, ამასთან მომავალი წლის ბიუჯეტის დამტკიცებას შეეცდებიან.

„დროულად ჩანიშნოს ახალი საკრებულოს პირველი სხდომა, რადგან ძველი შემადგენლობის შეკრება არალეგიტიმურია. 2 ოქტომბერს „ქართული ოცნების" უმრავლესობას ხალხმა უთხრა უარი, აღიარონ, რომ ბათუმის საკრებულოში ოპოზიცია უმრავლესობაშია. ახლა ცდილობენ რიგგარეშე სხდომებით რაც შეიძლება მეტი მუნიციპალური ქონება გადასცენ აჭარის მთავრობას და ასევე შეეცდებიან დაამტკიცონ მომავალი წლის ბიუჯეტი, რასაც ოპოზიცია არ დაუშვებს", - განაცხადა "ლელო საქართველოს" აჭარის ორგანიზაციის თავმჯდომარე ირაკლი კუპრაძემ.

ოპოზიციის პროტესტს მოქმედი საკრებულოს წევრი "ქართული ოცნებიდან" ნატალია ზოიძე გამოეხმაურა.

„ოპოზიციამ უნდა იცოდეს, რომ ახალი საკრებულოს პირველ სხდომამდე, რომელზეც უნდა სცნონ ახალი შემადგენლობის უფლებამოსილება, მოქმედი საკრებულო ჩვეულებრივად აგრძელებს საქმიანობას და იღებს ყველა იმ გადაწყვეტილებას, რომელიც მის უფლებამოსილებაში შედის, ასე რომ გადახედონ კანონმდებლობას, რეგლამენტს და შემდეგ წამოაყენონ პრეტენზიები", - აღნიშნა ნატალია ზოიძემ.

აღსანიშნავია, რომ ბათუმის საკრებულოში წინა მოწვევის საკრებულოს სხდომა გაიმართა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება