ანა წითლიძე - ცენტრალური ხელისუფლების დავალებით, საკრებულოებმა მთელი ქვეყნის მასშტაბით, 2022 წლის ბიუჯეტის პროექტის განხილვა დაიწყეს და აპირებენ დაჩქარებული წესით მიღებას

ცენტრალური ხელისუფლების დავალებით, საკრებულოებმა მთელი ქვეყნის მასშტაბით, მათ შორის ზუგდიდის უკვე ვადაგასულმა საკრებულომ, 2022 წლის ბიუჯეტის პროექტის განხილვა დაიწყო და აპირებს დაჩქარებული წესით მიღებას, - ამის შესახებ „ნაციონალური მოძრაობის" დეპუტატმა, ანა წითლიძემ განაცხადა.

მისივე თქმით, ხელისუფლებამ დაიწყო არაკანონიერი და არალეგიტიმური პროცესი.

„ხელისუფლებამ დაიწყო კიდევ ერთი არალეგიტიმური და არაკანონიერი პროცესი საკრებულოებში. ცენტრალური ხელისუფლების დავალებით, საკრებულოებმა მთელი ქვეყნის მასშტაბით, მათ შორის ზუგდიდის უკვე ვადაგასულმა საკრებულომ დაიწყო 2022 წლის ბიუჯეტის პროექტის განხილვა და აპირებს დაჩქარებული წესით მიღებას.

ადგილობრივი თვითმმართველობის კოდექსის მიხედვით ბიუჯეტის მიღების ბოლო ვადა არის 30 დეკემბერი. ზუგდიდის საოლქო საარჩევნო კომისიას არჩევნების შეჯამებიდან 30 დღის განმავლობაში შეუძლია ჩანიშნოს პირველი ახლად არჩეული საკრებულოს სხდომა - რაც ნიშნავს იმას, რომ ახლად არჩეული საკრებულოები ეტევიან ყველანაირ სამართლებრივ ვადებში განიხილონ და დაამტკიცონ 2022 წლის ბიუჯეტი. თუმცა, დღეს მივიღეთ რეალობა, როდესაც საკრებულოებში უმცირესობაში გადასული მმართველი პარტია იღებს გადაწყვეტილებას და განიხილავს და ემზადება 2022 წლის ბიუჯეტის დაჩქარებული წესით მისაღებად, იმის შიშით, რომ საკრებულოში მათ არ აქვთ უმრავლესობა და ახალი საკრებულოების პირობებში ბიუჯეტის ორჯერ ჩავარდნას შეიძლება მოჰყვეს რიგგარეშე არჩევნები",- განაცხადა ანა წითლიძემ.

აღნიშნული განცხადება, წითლიძემ ზუგდიდის საკრებულოს სხდომათა დარბაზში გააკეთა. მასთან ერთად იმყოფებოდნენ, ახლად არჩეული საკრებულოს წევრები, რომლებმაც 15 ნოემბერს მიხეილ სააკაშვილის სამოქალაქო კლინიკაში გადაყვანის მოთხოვნით შიმშილობა დაიწყეს. მოშიმშილე დეპუტატებმა, ფრაქციის ოთახიდან საკრებულოს სხდომათა დარბაზში გადმოინაცვლეს და ლეიბები გაშალეს.

ოპოზიციური პარტიის დეპუტატების ბრალდებებს ზუგდიდის საკრებულოს თავმჯდომარის მოვალეობის შემსრულებელმა ბესიკ ჭეჟიამ უპასუხა. როგორც მან აღნიშნა, ბიუჯეტის პროექტის განხილვა შესაბამისი განრიგით მიმდინარეობს.

„ეს მხოლოდ და მხოლოდ ვარაუდებია და რეალობაში რაც ხდება, მერიას აქვს ვალდებულება, რომ ყოველი წლის არაუგვიანეს 15 ნოემბრისა, მომავალი წლის ბიუჯეტი განსახილველად გაიტანოს საკრებულოში, რაც შეასრულა ჩვენთან მერიამ ზუგდიდში. ამის შემდეგ საკრებულოს აქვს ვალდებულება უზრუნველყოს ბიუჯეტის პროექტის საჯაროობა, განიხილონ კომისიებში, ფრაქციებში და შენიშვნებით უკან არაუგვიანეს 25 ნოემბრისა მიუბრუნოს მერიას განსახილველად. ზუსტად ამ პროცესებში ვართ დღეს. სხვა განსაკუთრებული არ ხდება. განხილვის ვადებს წყვეტს მუნიციპალიტეტის ბიურო, ბიურის შემადგენლობაში შედიან, როგორც სახელისუფლებო პარტიის ფრაქციის ხელმძღვანელები, ასევე ოპოზიციური ფრაქციის ხელმძღვანელები. ბიუროზე იქნა განხილული და დადგენილი ვადები, როდის განეხილათ კომისიურად საკრებულოში ბიუჯეტის პროექტი და როდის განეხილათ ფრაქციებს და როდის მოგვეწყო საჯარო განხილვა. აქედან გამომდინარე პროექტი განხილულ იქნა ამ გრაფიკის შესაბამისად კომისიებში, ამ კომისიების მუშაობაში აქტიურად იყვნენ ჩართული ოპოზიციიდან დეპუტატები", - განაცხადა ბესიკ ჭეჟიამ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება