ირაკლი კობახიძე - სასწორზე ვერ დაიდება სახელმწიფო ინტერესები, სადაც შესაძლებელი იქნება ამ ინტერესების დაბალანსება, ჩვენ იქ მაქსიმუმს გავაკეთებთ
ჩვენი ამოცანაა დავიცვათ ადამიანების სიცოცხლე და ჯანმრთელობა, სახელმწიფოს ინტერესები და ამისთვის ჩვენ უნდა მივიღოთ სათანადოდ დაბალანსებული გადაწყვეტილებები, - ამის შესახებ ჟურნალისტებთან პარტია „ქართული ოცნების“ თავმჯდომარე ირაკლი კობახიძემ განაცხადა, რითაც მისი და ელენე ხოშტარიას გუშინდელი შეხვედრის თაობაზე დასმულ კითხვას უპასუხა.
მისივე თქმით, სასწორზე სახელმწიფო ინტერესი ვერ დაიდება.
„ჩვენ ვეცდებით მაქსიმუმს, რომ დაბალანსებული გადაწყვეტილება იყოს მიღებული სიცოცხლის, ჯანმრთელობის და სახელმწიფო ინტერესების დასაცავად. ბუნებრივია, სასწორზე ვერ დაიდება სახელმწიფო ინტერესები, სადაც შესაძლებელი იქნება, ამ ინტერესების დაბალანსება, ჩვენ იქ მაქსიმუმს გავაკეთებთ. ჩვენთვის ღირებულია თითოეული ადამიანის ჯანმრთელობა, განურჩევლად პოლიტიკური კუთვნილებისა,“ - განაცხადა კობახიძემ.
v-if="article.gallery" v-html="article.gallery"
