ზუგდიდის იმუნიზაციის ცენტრებში მიმართვიანობა გაიზარდა
ზუგდიდის მუნიციპალიტეტში ვაქცინაციის პროცესი აქტიურად მიმდინარეობს, - ამის შესახებ ინფორმაციას ზუგდიდის მუნიციპალიტეტის მერია ავრცელებს.
მათივე ცნობით, მთავრობის მიერ ვაქცინაციის პროცესის წასახალისებლად გადადგმულმა ნაბიჯებმა მნიშვნელოვნად გაზარდა იმუნიზაციის ტემპი.
დღეში 300-მდე 60 წელს გადაცილებული პირი იცრება, რაც საგრძნობლად გაზრდილი რაოდენობაა წინა თვეებთან შედარებით.
ცნობისთვის, მთავრობის ინიციატივით, პენსიონერები აცრის შემთხვევაში ერთჯერადად 200-ლარიან საპენსიო დანამატს მიიღებენ. ზუგდიდის მუნიციპალიტეტში 5 ვაქცინაციის პუნქტია, სადაც აცრა ქვეყანაში არსებული ყველა ვაქცინით ხდება. ამასთან, ზუგდიდის მუნიციპალიტეტის ადმინისტრაციულ ერთეულებში მოსახლეობას ვაქცინაციის მოძრავი პუნქტი ემსახურება.
