ლენტეხის მუნიციპალიტეტის მერი გია ონიანი, რეგიონალური პროექტების კოორდინირების სამსახურის ხელმძღვანელთან ლევან ცხვედიანთან ერთად მუნიციპალიტეტში მომუშავე ინდ. მეწარმეების, შ.პ.ს-ების და კომპანიების წარმომადგენლებს შეხვდა.
ლენტეხის მერიის ინფორმაციით, შეხვედრაზე მუნიციპალიტეტში მიმდინარე ინფრასტრუქტურული პროექტები განიხილეს.
მათივე ცნობით, გია ონიანმა პირადად მოისმინა ინფორმაცია კონტრაქტორი კომპანიების წარმომადგენლებისგან, ლენტეხის მუნიციპალიტეტში მიმდინარე პროექტებზე არსებული მდგომარეობის შესახებ და ყურადღება გაამახვილა სამუშაოების ხარისხიან და დროულ შესრულებაზე.
მერის ინფორმაციით, ყველა კონტრაქტორს, პროექტების შეუფერხებლად განხორციელებისათვის, შესაბამისი რეკომენდაციები მიეცა დამსგავსი შეხვედრები ხშირად გაიმართება.