რუსთავის საკრებულოს ოპოზიციონერმა დეპუტატებმა შიმშილობა შეწყვიტეს. მოქმედი და ახალი საკრებულოს ექვსმა დეპუტატმა ქვეყნის მესამე პრეზიდენტის მულტიფუნქციურ საავადმყოფოში გადაყვანის მოთხოვნით, შიმშილობა 15 ნოემბერს დაიწყო, ცოტა ხნის წინ კი პროტესტის უკიდურესი ფორმის შეწყვეტის თაობაზე განცხადება გააკეთეს.
„ჩვენმა ბრძოლამ შედეგი გამოიღო, როგორც ცნობილი გახდა მიხეილ სააკაშვილი გორის ჰოსპიტალში გადაჰყავთ. გამომდინარე აქედან, ჩვენ მიზანშეწონილად მივიჩნიეთ, რომ შეგვეწყვიტა შიმშილობა, მაგრამ ვაგრძელებთ ბრძოლას საბოლოო გამარჯვებამდე", - განაცხადა „ნაციონალური მოძრაობის“ წევრმა ვაჟა მორგოშიამ.