ბათუმში "ერთიანი ნაციონალური მოძრაობის" აჭარის ორგანიზაციის წევრებმა და ლიდერებმა აქცია-პერფორმანსი სახელწოდებით - "მადლობა მიშა" გამართეს.
მათი საქართველოს მესამე პრეზიდენტის მიხეილ სააკაშვილის მმართველობის პერიოდი გაიხსენეს და განაცხადეს, რომ მიხეილ სააკაშვილის პრეზიდენტობის დროს, საქართველოში გაჩნდა ინსტიტუციები და ქვეყანა სახელმწიფოდ შედგა. მათი თქმით, „ვარდების რევოლუციამ“ საქართველოს მრავალი სიკეთე მოუტანა.
"იმედი გვაქვს, რომ საქართველოში პუტინის რეჟიმის მმართველობა მალე დასრულდება და ახალ რელსებზე გადავა მმართველობის. წინ კიდევ მრავალი გამარჯვება გველოდება. 18 წელი გავიდა ვარდების რევოლუციიდან, ჩვენ გავაგრძელებთ იმ რეფორმებს რაც განხორციელებული და დაგეგმილი გვქონდა. დარწმუნებული ვართ, რომ მიხეილ სააკაშვილი თავისუფალი იქნება ძალიან მალე. თავისუფლება მიშას", - აცხადებენ შეკრებილები.