სოზარ სუბარი - ოპოზიციას დღის წესრიგი არ აქვს და თემების შექმნას ხელოვნურად ცდილობენ

ოპოზიციის დღის წესრიგი არის ის, რომ ოპოზიციას დღის წესრიგი არ აქვს და თემების შექმნას ხელოვნურად ცდილობენ, - აღნიშნულ შეფასებას “ქართული ოცნების“ ერთ-ერთი ლიდერი სოზარ სუბარი აკეთებს.

სუბარის თქმით, რიგგარეშე არჩევნებზე საუბარი რეალობას აბსოლუტურად მოწყვეტილია, რადგან ქვეყანაში არანაირი რიგგარეშე არჩევნები არ იქნება.

„ქართული ოცნების“ დეპუტატი ოპონენტებს 2024 წლის საპარლამენტო არჩევნებისთვის და 2025 წლის ადგილობრივი თვითმმართველობის არჩევნებისთვის მომზადებას ურჩევს.

„კარგი იქნება, მოემზადონ და მოსახლეობას აჩვენონ, რა შეუძლიათ, მათი იდეა რა არის, რისი გამკეთებლები არიან. მგონი, დიდი პაუზა ყველაზე კარგი ოპოზიციისთვისაა, რადგან ყოველ წელს არჩევნებია, რაიმე სათქმელზე ვერასოდეს ჩამოყალიბდნენ და მუდმივად ცდილობდნენ, არეულობის რეჟიმისთვის მიეღწიათ. ახლა დრო ექნებათ, თავისი სათქმელის კრისტალიზაცია მოახდინონ, თუ რაიმე სათქმელი აქვთ“, - განაცხადა სოზარ სუბარმა.

სუბარი დარწმუნებულია, რომ პარლამენტის რიგგარეშე არჩევნები რომც დაინიშნოს, მას ოპოზიცია წააგებს.

„იციან, რიგგარეშე არჩევნებსაც წააგებენ, მაგრამ წარმოვიდგინოთ - რიგგარეშე არჩევნები შიშველ ადგილზე რომ დაინიშნოს, რადგან ქვეყანაში პოლიტიკური კრიზისი არ არის, ამის არანაირი საჭიროება არ არის, მაგრამ კარგით, ვთქვათ, რამდენიმე ლიდერის მოთხოვნას დავთანხმდით და რიგგარეშე არჩევნები დაინიშნა. „ქართული ოცნებისთვის“ ამან შეიძლება ერთადერთი უარყოფითი ის გამოიწვიოს, რომ ჩვენი ამომრჩეველი შეიძლება გაბრაზდეს და თქვას: - ვის ჭკუაზე დადიხართ, ცოტა მეტი ქვეყანაზე იფიქრეთ. ამის გამო შეიძლება ხმები დავკარგოთ. ოპოზიციას ეს გათვლა თუ აქვს, თორემ 2022-ში რიგგარეშე არჩევნები რომ იყოს, მაინც წააგებენ და მათთვის რა მნიშვნელობა აქვს რიგგარეშე არჩევნებს?!“, - განაცხადა სოზარ სუბარმა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება