„ნაციონალური მოძრაობის" აჭარის ორგანიზაციის ლიდერები ელგუჯა ბაგრატიონი, გიორგი კირთაძე და მირდატ ქამადაძე გამოკითხვაზე მივიდნენ

აჭარის პოლიციის მთავარ სამმართველოში "ერთიანი ნაციონალური მოძრაობის" აჭარის ორგანიზაციის ლიდერები ელგუჯა ბაგრატიონი, გიორგი კირთაძე და მირდატ ქამადაძე გამოკითხვაზე მივიდნენ.

როგორც აჭარის უმაღლესი საბჭოს წევრი ელგუჯა ბაგრატიონი "ინტერპრესნიუსთან" საუბრისას აცხადებს, საქმე ეხება "ერთიანი ნაციონალური მოძრაობის" წევრის, გარდაცვლილ ნუგზარ ფუტკარაძის მიმართ განხორციელებულ ზეწოლასა და შანტაჟს.

ელგუჯა ბაგრატიონი ამბობს, რომ მათ არანაირი მოლოდინი არ აქვთ, რომ ნუგზარ ფუტკარაძის მიმართ ზეწოლის ფაქტს გამოიძიებენ. მისივე თქმით, გამოკითხვაზე დაბარება ფორმალური პროცედურაა და სხვა არაფერი.

"გამოკითხვა ფორმალური იქნება, ჩვენ ვიცავთ კანონს და მივდივართ. დავით რიჟვაძის საქმეზე ისევ მასთან (დავით რიჟვაძესთან) მივდივართ გამოკითხვაზე.

ჩვენ არანაირი მოლოდინი არ გვაქვს, რომ საქმეს გამოიძიებენ, როგორ ფიქრობთ დავით რიჟვაძე, რომელიც თორნიკე რიჟვაძის მამაა და შსს-ს მაღალჩინოსანი, საკუთარ თავს დაიჭერს? სამმართველოში ფორმალობის მიზნით მივდივართ. ერთს ვიტყვი, რომ მათი პასუხისმგებლობა აუცილებლად მალე დადგება. გამოკითხვასთან დაკავშირებით დღეს აქციაზე შევიტყვეთ, რომ სამმართველოში ვიყავით დაბარებული. აუცილებლად წარვუდგენთ მტკიცებულებად იმ აუდიო ჩანაწერს",- აცხადებს ელგუჯა ბაგრატიონი.

ცნობისთვის, "ნაციონალური მოძრაობის" განცხადებით, ბათუმის ახალი მოწვევის საკრებულოს წევრს „ერთიანი ნაციონალური მოძრაობიდან" ნუგზარ ფუტკარაძეს, რომელიც რამდენიმე დღის წინ გარდაიცვალა, თორნიკე რიჟვაძის მამის, დავით რიჟვაძის დავალებით, მოსყიდვის სანაცვლოდ 100 ათას დოლარს სთავაზობდნენ. როგორც პარტიის წევრი გიორგი კირთაძე აცხადებს, მათ შესაბამის მტკიცებულებად აუდიო ჩანაწერი აქვთ.

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ