აჭარის უმაღლესი საბჭოს თავმჯდომარემ, დავით გაბაიძემ საქართველოს პარლამენტის გარემოს დაცვისა და ბუნებრივი რესურსების კომიტეტის სხდომაზე მეორე მოსმენით აჭარის უმაღლესი საბჭოს საკანონმდებლო ინიციატივები წარადგინა. ამის შესახებ ინფორმაციას აჭარის ავტონომიური რესპუბლიკის მთავრობის პრესსამსახური ავრცელებს.

მათი ინფორმაციით, საკანონმდებლო პაკეტი ,,სახელმწიფო ბაჟის”, ,,სახელმწიფო ქონების” და ,,ბუნებრივი რესურსებით სარგებლობისათვის მოსაკრებლების შესახებ”კანონებში ცვლილებებს ითვალისწინებს და მისი მიზანი აჭარის კონსტიტუციისა და საქართველოს შესაბამისი კანონმდებლობის ჰარმონიზაციაა.

აჭარის ავტონომიური რესპუბლიკის მთავრობის ცნობით, საკომიტეტო განხილვის შემდგომ, საკანონმდებლო ინიციატივებს პარლამენტის პლენარულ სხდომაზე მეორე მოსმენით ეყრება კენჭი.