„ერთიანი ნაციონალური მოძრაობის“ ბათუმის საკრებულოს დეპუტატი მირდატ ქამადაძე ​საკრებულოს შენობიდან სამართალდამცავებმა ძალის გამოყენებით გაიყვანეს. მირდატ ქამადაძის განცხადებით, სამართალდაცავებმა მასზე იძალადეს და აქვს ლეგიტიმური უფლება, რომ საკრებულოს სხდომას დაესწროს.

აჭარის პოლიციის სამმართველოს უფროსი დავით მაღრაძე აცხადებს, რომ მირდატ ქამადაძე საკრებულოს სხდომათა დარბაზში მომხდარი ინციდენტის გამო სხდომიდან არის გაძევებული და მისი შენობიდან გაყვანა ამიტომ მოხდა.

პარალელურად, ფიზიკური დაპირისპირება გრძელდება საკრებულოს შენობასთან, სადაც ოპოზიციის მხარდამჭერები არიან შეკრებილები.

ცნობისთვის, ბათუმის საკრებულოს ოპოზიციონერმა წევრმა მირდატ ქამადაძემ საკრებულოს სხდომათა დარბაზში გაურკვეველი ხსნარი გაუშვა, რის გამოც სხდომა შეწყდა.