ბექა ბასილაია - ხელისუფლებამ თავის პანიკურ შიშზე ხელი უნდა აიღოს და უნდა უზრუნველყოს მიხეილ სააკაშვილის სასამართლოში გამოცხადება

ხელისუფლებამ თავის პანიკურ შიშზე ხელი უნდა აიღოს და უნდა უზრუნველყოს მიხეილ სააკაშვილის სასამართლოში გამოცხადება, - ამის შესახებ საქართველოს მესამე პრეზიდენტის ადვოკატმა ბექა ბასილაიამ გორის ჰოსპიტალში მიხეილ სააკაშვილთან შეხვედრის შემდეგ განაცხადა.

ბასილაიას განცხადებით, სააკაშვილი დღეს ყველაზე სუსტად იყო, მაგრამ ეს არ შეიძლება გახდეს დამაბრკოლებელი სასამართლო პროცესზე მის დასასწრებად.

მიხეილ სააკაშვილი დღეს იყო ყველაზე სუსტად, პოსტრავმული სინდრომი აშკარად იყო გამოხატული, თუმცა, ამის მიუხედავად, სააკაშვილი მკაფიოდ აცხადებს, რომ მისი ჯანმრთელობის მდგომარეობა არ შეიძლება გახდეს დამაბრკოლებელი 29 ნოემბრის პროცესზე დასასწრებად, ის სასამართლო პროცესს დაესწრება. ამავდროულად, ჩვენ აქედანვე მოვუწოდებთ ხელისუფლებას, არ მიუთითონ შეკრებაზე, უაღრესად მშვიდობიან შეკრებაზე მოტივად მიხეილ სააკაშვილის სასამართლოში არგადაყვანასთან დაკავშირებით. მთელ მსოფლიოში გახმაურებული სასამართლო პროცესები, მნიშვნელოვანი სასამართლო პროცესები მიმდინარეობს აქციების, დემონსტრაციების ფონზე, მაგრამ ეს არ ზღუდავს არცერთ ბრალდებულს სასამართლო პროცესში მონაწილეობის მიღებისგან, მით უფრო, ეს შეკრება, წინასწარ ვაცხადებთ, როგორც ის შეკრებები, რომლებიც აქამდე გამართულა მიხეილ სააკაშვილის გათავისუფლების მოთხოვნით, არის უაღრესად მშვიდობიანი. შესაბამისად, ხელისუფლებამ თავის შიშზე, თავის პანიკურ შიშზე ხელი უნდა აიღოს და უნდა უზრუნველყოს მიხეილ სააკაშვილის სასამართლოში გამოცხადება“, - განაცხადა ბექა ბასილაიამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს