ნათია თურნავამ ზეთისხილის საერთაშორისო დღისადმი მიძღვნილ ღონისძიებაში მიიღო მონაწილეობა

ეკონომიკისა და მდგრადი განვითარების მინისტრმა ნათია თურნავამ ზეთისხილის საერთაშორისო დღისადმი მიძღვნილ ღონისძიებაში მიიღო მონაწილეობა.

მინისტრმა სიტყვით გამოსვლისას აღნიშნა, რომ ზეთისხილის სექტორის განვითარება შეუძლებელი იქნებოდა, რომ არა ზეთისხილის საერთაშორისო საბჭოს ძლიერი მხარდაჭერა, ქართველი ინვესტორების და პირველ რიგში ზეთისხილის ასოციაციის აქტივობა. მისივე თქმით, სასიხარულოა, რომ დღეს ზეთისხილის საერთაშორისო საბჭოს პრეზიდენტი სწორედ ქართველი ინვესტორია.

სიტყვით გამოსვლისას, ნათია თურნავამ ასევე ხაზი გაუსვა მთავრობის წვლილს როგორც ზეთისხილის კულტურის განვითარებაში, ასევე ბოლო წლებში სოფლის მეურნეობის პროდუქციის დივერსიფიცირების აქტიურ პოლიტიკაში.

„ეს პოლიტიკა პირველ რიგში, მიმართულია სოფლის მეურნეობის ადგილობრივი პროდუქციის დივერსიფიკაციისკენ, აღორძინებისა და ზოგადად ქართული წარმოების განვითარებისკენ. ჩვენ მთავარი პრიორიტეტი ამ მიმართულებით სწორედ ადგილობრივი წარმოების გაძლიერებაა ისე, რომ ჩანაცვლდეს მაქსიმალურად იმპორტი და განვითარდეს ექსპორტი. ჩვენ უპრეცედენტო მხარდაჭერა აღვუთქვით სოფლის მეურნეობის მიმართულებას და თანადაფინანსების პარალელურად, ასევე, შევთავაზეთ „აწარმოე საქართველოში“ სესხის უზრუნველყოფის პროგრამა, რის შედეგადაც მრავალწლიანი კულტურების მოყვანა დღეს ქვეყანაში უფრო ხელმისაწვდომი და ფინანსურად მომგებიანი გახდა“, - აღნიშნა ნათია თურნავამ.

საქართველო ზეთისხილის საერთაშორისო საბჭოს 2019 წლიდან შეუერთდა, ხოლო 2020 წლიდან საბჭოს თავმჯდომარე ქვეყანაც გახდა. ზეთისხილის საერთაშორისო საბჭოს მიზანია, წვლილი შეიტანოს ზეთისხილის კულტურის განვითარებაში; მათი ორგანიზებით იმართება ფორუმები საერთაშორისო დისკუსიისთვის, რათა გადაიჭრას ნებისმიერი საკითხი, რომელიც ზეთისხილის სექტორს უკავშირდება.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა