სეუ - ში ახალგაზრდული მუშაკების ეროვნული ფორუმი გაიმართა

წელს პირველად, ახალგაზრდობის სააგენტოს ინიციატივით, პარტნიორი ორგანიზაციების, მათ შორის საქართველოს ეროვნული უნივერსიტეტ სეუ-ს მხარდაჭერით, ახალგაზრდული მუშაკების ეროვნული ფორუმი გაიმართა. ამის შესახებ ინფორმაციას ახალგაზრდობის სააგენტო ავრცელებს.

მათივე ცნობით, ფორუმის გახსნით ნაწილში დამსწრე აუდიტორიას, სეუ-ს ვიცე რექტორი სამეცნიერო- კვლევითი მიმართულებით ანა ფირცხალაშვილიც მიესალმა:

„ჩვენთვის როგორც საქართველოში ყველაზე დიდი კერძო უნივერსიტეტისთვის ნამდვილად დიდი პატივია ვუმასპინძლოთ ამ ღონისძიებას, მადლობა მინდა გადავუხადო ახალგაზრდობის სააგენტოს ნდობისა და პარტნიორობისთვის, ჩვენ გამოვხატავთ მზაობას, არა მხოლოდ ინფრასტრუქტურული არამედ ფორმალურ განათლების მიღმაც ყველა სხვა საქმიანობაში, რადგან არაფორმალური განათლება ავსებს ამ სფეროს, რადგან მხოლოდ სწავლა-სწავლება და კვლევა, არ არის საკმარისი საზოგადოების, სამოქალაქო საზოგადოების განვითარებისთვის“, - აღნიშნა მან.

ფორუმის ფარგლებში თავი მოიყარა ახალგაზრდულ საქმიანობაში ჩართულმა ახალგაზრდულმა მუშაკებმა, საინიციატივო ჯგუფებმა, ასოციაციებმა და ინსტიტუტებმა.

ფორუმის ფარგლებში, წელს პირველად გაიმართება წლის საუკეთესო ახალგაზრდული მუშაკების დაჯილდოება. საქართველოს 10 რეგიონიდან და თბილისიდან შერჩეულ, 11 წლის ახალგაზრდულ მუშაკებს სააგენტო მიმდინარე წლის ბოლომდე, 5 დღიანი სასწავლო ვიზიტით ესტონეთში გაუშვებს.

ფორუმი და ახალგაზრდული მუშაკის დაჯილდოება არის შესაძლებლობა, წარმოვაჩინოთ მტკიცებულებაზე დაფუძნებული პრაქტიკული ახალგაზრდული საქმიანობის პოზიტიური გავლენა ინდივიდუალურ, სოციალურ და ეროვნულ დონეზე. ახალგაზრდული საქმიანობა და ახალგაზრდული მუშაკები ქმნიან და უზრუნველყოფენ უსაფრთხო გარემოს, რომელშიც ახალგაზრდებს შეუძლიათ არაგანსჯად გარემოში შეიმეცნონ საკუთარი თავი, დასვან კითხვები, დააფიქსირონ კრიტიკული მოსაზრებები, იგრძნონ თავი დაფასებულად და მხარდაჭერილად.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა