ანა ნაცვლიშვილი უმრავლესობას - ამ სასამართლოს სისტემის შემქმნელმაც კი აღიარა მისი უბადრუკება, მაგრამ თქვენ ამ სასამართლოს რეინკარნაციასა და მის უვადოდ ჩაბეტონებას მაინც ჯიუტად აგრძელებთ!

ამ სასამართლოს სისტემის შემქმნელმაც კი აღიარა მისი უბადრუკება, მაგრამ თქვენ ამ სასამართლოს რეინკარნაციასა და მის უვადოდ ჩაბეტონებას მაინც ჯიუტად აგრძელებთ! - აღნიშნული განცხადებით “ქართული ოცნების“ უმრავლესობას პოლიტიკურ ჯგუფ “ლელო - პარტნიორობა საქართველოსთვის“ წევრმა ანა ნაცვლიშვილმა მიმართა.

ნაცვლიშვილი პლენარულ სხდომაზე უზენაესი სასამართლოს მოსამართლეების მოსმენისა და არჩევის პროცესს გამოეხმაურა და მას “არალეგიტიმური პროცესი“ უწოდა.

“რა უნდა იყოს იმაზე მეტი პოზიტიური დღის წესრიგი, ვიდრე სასამართლო რეფორმის გატარებაა. სასამართლოთი ხომ ყველა სარგებლობს - თქვენი მომხრეები, ჩვენი მომხრეები და ის ადამიანებიც, ვისაც პოლიტიკა საერთოდ არ აინტერესებს, მაგრამ აინტერესებთ, რომ როცა უსამართლოდ დაიჩაგრებიან, სასამართლოში ჰქონდეთ მისასვლელი და იქედან სამართალი წამოიღონ. პროცესი იმდენად არალეგიტიმურია, რომ მას ევროკავშირმა დემარში გამოუცხადა და პროცესში მონიტორინგისთვისაც კი არ ჩაერთო - მასში მონაწილეობდით როგორც მსახიობები. აშშ-მა თქვა, რომ ეს არის მორიგ ჯერზე უდიდესი იმედგაცრუება და დიდი შანსი, რასაც ქვეყანა ხელიდან უშვებს. არასამთავრობო ორგანიზაციების კოალიციამ პროცესის მონიტორინგისგანაც კი თავი შეიკავა, არა თუ პროცესში ჩართვისგან, რომ კითხვები დაესვა. “საქართველოს ეროვნულმა პლატფორმამ“ - არასამთავრობო ორგანიზაციების უდიდესმა ჯგუფმა, რომელიც არის პირდაპირი ხიდი საქართველოსა და ევროკავშირს შორის სამოქალაქო სექტორში, პროცესის შეჩერებისკენ მოგიწოდათ. მეტი ვინ უნდა გითხრათ?! - არ მოიძებნება ერთი ადამიანი, არა თუ ორგანიზაცია არც ამ ქვეყანაში და არც ქვეყნის გარეთ, ვინც დაწერს და იტყვის, რომ პროცესი ლეგიტიმურია და მიგვიყვანს ტაძრამდე. ყველა შინ თუ გარეთ გეუბნებათ - შეაჩერეთ სასამართლოს საბოლოო დამარხვა, მაგრამ არა - ჯიუტად მიდიხართ აქეთკენ!“, - განაცხადა ანა ნაცვლიშვილმა პარლამენტის პლენარულ სხდომაზე.

მან საპარლამენტო უმრავლესობას მიმართა, რომ დაიწყოს “ლელოსა“ და “რეფორმების ჯგუფის“ მიერ მომზადებული და პარლამენტში წარდგენილი პროექტი სასამართლო სისტემის რეფორმის შესახებ, ასევე დაიწყოს იუსტიციის უმაღლესი საბჭოს არამოსამართლე წევრების არჩევა, რაც ნაცვლიშვილის თქმით, ხელოვნურად და მიზანმიმართულად არის შეჩერებული.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს