საქართველოს პარლამენტის პლენარულ სხდომაზე აჭარის უმაღლესი საბჭოს საკანონმდებლო ინიციატივები მეორე მოსმენით განიხილეს. ამის შესახებ ინფორმაციას აჭარის უმაღლესი საბჭო ავრცელებს.

„აჭარის უმაღლესი საბჭოს თავმჯდომარის დავით გაბაიძის მიერ წარდგენილი საკანონმდებლო პაკეტი - "სახელმწიფო ბაჟის", "სახელმწიფო ქონების" და "ბუნებრივი რესურსებით სარგებლობისათვის მოსაკრებლების შესახებ"კანონებში ცვლილებებს ითვალისწინებს და აჭარის კონსტიტუციის ახალი რედაქციისა და საქართველოს შესაბამისი კანონმდებლობის ჰარმონიზაციას ისახავს მიზნად.

მუხლობრივი განხილვისას შენიშვნები არ გამოთქმულა“, - ნათქვამია ინფორმაციაში.