რუსთავს ორი ახალი რეკრეაციული სივრცე შეემატება

რუსთავში, მე-8 მიკრო რაიონში და მე-19 და მე-18 მიკრორაიონების მიმდებარე ტერიტორიაზე, ახალი სკვერების მოწყობის სამუშაოები მიმდინარეობს.

რუსთავის მერმა ნინო ლაცაბიძე, მოადგილე ბესიკ ტოგონიძესთან და ინფრასტრუქტურის სამსახურის თანამშრომლებთან ერთად, სკვერების მოწყობის სამუშაოების მონიტორინგი განახორციელა.

„მე-19 და მე-18 მიკრორაიონების მიმდებარე ტერიტორიაზე მიმდინარეობს სამუშაოები, მოეწყობა რეკრეაციული სივრცე. იქნება ძალიან ლამაზი ადგილი თითოეული რუსთაველისთვის. განახლდება და რეაბილიტაცია ჩაუტარდება 13 ათას კვადრატულ მეტრ ფართობს და ვფიქრობ, რომ ეს იქნება ერთ-ერთი წარმატებული პროექტი. ეს სკვერი არის კარგი მაგალითი იმისა თუ რამდენად სწრაფად შეიძლება შესრულდეს ის, რაზეც ჩვენ მოსახლეობასთან ვსაუბრობდით“, - განაცხადა რუსთავის მერმა ნინო ლაცაბიძემ.

რუსთავის მერის მოადგილის ბესიკ ტოგონიძის განცხადებით, გასულ წლებში ქალაქში არსებულ დიდ რეკრეაციულ სივრცეებს ჩაუტარდა რეაბილიტაცია, დღეისათვის კი ორ უბანში მიმდინარეობს ახალი სკვერების მშენებლობის პროცესი.

,,მე-19 და მე-18 მიკრო რაიონების მიმდებარე ტერიტორიაზე ახალ სკვერში მოეწყობა საფეხმავლო ბილიკები, გარე განათება, საბავშვო და სპორტული სივრცეები, ამფითეატრი, დასასვენებელი სივრცეები და რაც მთავარია დაირგვება 350-მდე ხე-მცენარე. მწვანე ნარგავები შეცვლის, გაალამაზებს და გაამწვანებს გარემოს, ასევე ატმოსფერული ჰაერის გაუმჯობესებას შეუწყობს ხელს, რაც ძალიან მნიშვნელოვანია“, - განაცხადა მერის მოადგილე ბესიკ ტოგონიძემ.

მე-19 და მე-18 მიკრო რაიონების მიდებარედ, სკვერის მოწყობის პროექტის ღირებულება - 1 224 439 ლარია, 1 023 753 ცენტრალური ბიუჯეტიდან, 200 686 ლარი კი ადგილობრივი ბიუჯეტიდან გამოიყო..

მე-8 მ/რ #12-ის მიმდებარედ, სკვერის მოწყობის სამუშაოების ღირებულება - 1 124 439 ლარია. პროექტი 231 303 ლარით ადგილობრივი ბიუჯეტიდან დაფინანსდა, 893 136 ლარით კი ცენტრალური ბიუჯეტიდან“, - ნათქვამია ინფორმაციაში.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია