გიორგი ვაშაძე - მიუხედავად იმისა, რომ დღეს გააფორმეს კიდევ ერთხელ კლანური მართლმსაჯულება ქვეყანაში, ჩვენ არცერთ შემთხვევაში უკან არ უნდა დავიხიოთ

მიუხედავად იმისა, რომ დღეს მათ გააფორმეს კიდევ ერთხელ კლანური მართლმსაჯულება ქვეყანაში, ჩვენ არც ერთ შემთხვევაში უკან არ უნდა დავიხიოთ, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

როგორც მან პარლამენტში განაცხადა, უნდა იბრძოლონ იმისთვის, რომ ქვეყანაში დამკვიდრდეს სამართლიანი სასამართლოს პრინციპი და გადაიდგას დიდი ნაბიჯი განვითარების მიმართულებით.

„ქვეყანაში ინვესტიციები არ შემოდის იმიტომ, რომ არავინ ენდობა იმ კლანურ მართლმსაჯულებას, რომელიც დღეს ქვეყანაშია. საბოლოოდ, ამით ზიანდება ჩვენი მოქალაქეები და ჩვენი სახელმწიფოს ინტერესები”,- განაცხადა ვაშაძემ.

ამასთან, მან ისაუბრა წარდგენილ კანონპროექტზე, რომელიც გიორგი ვაშაძის თქმით, სამოქალაქო სექტორის რეკომენდაციების გათვალისწინებით არის მომზადებული.

„წარმოდგენილი კანონპროექტი არის კომპლექსური ცვლილებები, რომელიც მომზადებულია სამოქალაქო სექტორის რეკომენდაციებით, ასპარეზზე საუკეთესო გამოცდილების გათვალისწინებით. რაც მთავარია, ამ ცვლილებებს არ სჭირდება საკონსტიტუციო ცვლილებები. ეს არის საკონსტიტუციო ცვლილების გარეშე ცვლილებები, რომელიც მართლმსაჯულებაში საკმაოდ ბევრ წინსვლას მოგვიტანს. ამიტომ, კიდევ ერთხელ ჩვენი ვერსია დარეგისტრირებულია და მერე ვნახავთ, მათ რეალურად უნდათ თუ არა რაიმე ტიპის ცვლილებები.

არავითარი ალტერნატივა არ წარმოუდგენია ოპოზიციას, არაფერი განსხვავებული არ შემოუთავაზებია. არადა, კარგად იციან ამ ცვლილებების შესახებ, ინფორმირებულიც იყვნენ. ოფიციალურადაც რეგისტრირებულია ეს ყველაფერი. ასე, რომ შესაძლებელია ამ ყველაფრის საჯარო განხილვა. მოვუწოდებთ საზოგადოებას, მიუხედავად იმისა, რომ დღეს მათ გააფორმეს კიდევ ერთხელ კლანური მართლმსაჯულება ქვეყანაში, ჩვენ არცერთ შემთხვევაში უკან არ უნდა დავიხიოთ. უნდა ვიბრძოლოთ იმისთვის, რომ მოვიპოვოთ სამართლიანი მართლმსაჯულება, დავამკვიდროთ სამართლიანი სასამართლოს პრინციპი საქართველოში და ქვეყანამ გადადგას დიდი ნაბიჯი განვითარების მიმართულებით“,-განაცხადა ვაშაძემ.

ცნობისთვის, პარლამენტმა ხმათა უმრავლესობით, უზენაესი სასამართლოს მოსამართლეობის ოთხივე კანდიდატს მხარი დაუჭირა. პარლამენტის გადაწყვეტილებით, უზენაეს სასამართლოში უვადოდ დაინიშნენ: ნინო სანდოძე, თეა ძიმისტარაშვილი, გენადი მაკარიძე და თამარ ოქროპირიძე.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა