ბადრი ჯაფარიძე - დღეს „ქართული ოცნება“ დგას სწორედ კლანურად მართულ სასამართლოზე

დღეს „ქართული ოცნება“ დგას სწორედ კლანურად მართულ სასამართლოზე, - ამის შესახებ "ლელოს" ერთ-ერთმა ლიდერმა, ბადრი ჯაფარიძემ განაცხადა.

როგორც მან აღნიშნა, ხელისუფლების ქმედებები ცივილიზებული სამყაროს რეკომენდაციებს ეწინააღმდეგება, გამონაკლისის გარეშე.

"ყველა დასავლელი პარტნიორი ეუბნება „ქართულ ოცნებას“, შეწყვიტეთ ეს პროცესი, ვიდრე იუსტიცის უმაღლესი საბჭოს რეფორმირება არ მოხდება და არ განხორციელდება სათანადო ცვლილებები არსებულ კანონმდებლობაში. მათთვის იმდენად სასიცოცხლო მნიშვნელობა აქვს სასამართლოს კონტროლს, ისინი ყველას, მათ შორის ჩვენი უმნიშვნელოვანესი სტრატეგიული პარტნიორების რეკომენდაციებს, მოთხოვნებს უგულებელყოფენ. უფრო მეტსაც გეტვით, იმაზეც წავიდნენ, რომ ქვეყანას დააკარგვინეს 75 მლნ ევრო მხოლოდ იმიტომ, რომ არ განეხორციელებინათ სასამართლო რეფორმა“,-განაცხადა ჯაფარიძემ.

მისი თქმით, მმართველი გუნდი საქართველოს პარტნიორების მოწოდებებს უგულებელყოფს.

„უპრეცედენტო რამ მოხდა, ევროკავშირის დელეგაციამ დემონსტრაციულად უარი უთხრა „ქართულ ოცნებას“ მოსამართლეების კანდიდატურების განხილვის პროცესში მონაწილეობაზე იმის გამო, რომ „ქართული ოცნება“ თავხედურად მოიქცა და გამოვიდა შარლ მიშელის დოკუმენტიდან, დაარღვია ყველა ის ვალდებულება, რომელიც დაკავშირებული იყო სასამართლოს რეფორმასთან“,-განაცხადა ჯაფარიძემ.

ცნობისთვის, პარლამენტმა ხმათა უმრავლესობით, უზენაესი სასამართლოს მოსამართლეობის ოთხივე კანდიდატს მხარი დაუჭირა. პარლამენტის გადაწყვეტილებით, უზენაეს სასამართლოში უვადოდ დაინიშნენ: ნინო სანდოძე, თეა ძიმისტარაშვილი, გენადი მაკარიძე და თამარ ოქროპირიძე.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება