აჭარის უმაღლესი საბჭოს თავმჯდომარემ, დავით გაბაიძემ ქალაქ ბათუმში ირანის ისლამური რესპუბლიკის საკონსულოს მეთაურის მოვალეობის შემსრულებელს, აჰმად ბადფას უმასპინძლა. აჭარის უმაღლესი საბჭოს ცნობით, მას დიპლომატიური მოღვაწეობის უფლებამოსილების ვადა ამოეწურა.

გამოსამშვიდობებელ შეხვედრაზე, რომელსაც ირანის ისლამური რესპუბლიკის გენერალური საკონსულოს პირველი კონსული, რეზა ყორბანიანი და ამავე საკონსულოს წარმომადგენელი, ნატალია სიმსივე ესწრებოდნენ, ყურადღება გამახვილდა ორ ქვეყანას შორის მრავალმხრივ ურთიერთობებზე.

„დავით გაბაიძემ აჰმად ბადფას მადლობა გადაუხადა საქართველო-ირანს შორის თანამშრომლობის განვითარება-გაღრმავებაში შეტანილი წვლილისათვის და შემდგომი წარმატებები უსურვა დიპლომატიურ საქმიანობასა და პირად ცხოვრებაში“, - აღნიშნულია ინფორმაციაში.