ბსუ-მ სამედიცინო სკოლების მსოფლიო დირექტორატის აღიარება -  Sponsor Notes  მიიღო

ბათუმის შოთა რუსთაველის სახელმწიფო უნივერსიტეტმა სამედიცინო სკოლების მსოფლიო დირექტორატის აღიარება - Sponsor Notes მიიღო. ამის შესახებ ინფორმაციას ბათუმის სახელმწიფო უნივერსიტეტი ავრცელებს.

მათივე ცნობით, აღნიშნული სიახლე ბსუ-ს სამედიცინო მიმართულების პროგრამების კურსდამთავრებულებს შესაძლებლობას აძლევს დარეგისტრირდნენ USMLE-ის გამოცდებზე, რომლის წარმატებით ჩაბარების შემდეგ, ამერიკის შეერთებული შტატების კლინიკებში დასაქმების უფლებას მოიპოვებენ, რაც ხელს შეუწყობს მათი მსოფლიო დონის სპეციალისტად ჩამოყალიბებას.

„სამედიცინო სკოლების მსოფლიო დირექტორატი ჩამოყალიბდა სამედიცინო განათლების მსოფლიო ფედერაციის (WFME) და საერთაშორისო სამედიცინო განათლებისა და კვლევის განვითარების ფონდის (FAIMER) პარტნიორობით (https://www.wdoms.org/). WFME გლობალური ორგანიზაციაა, რომელიც დაკავებულია ექიმების განათლებითა და ტრენინგებით, რომლის მისია და მიზანია კაცობრიობის უკეთესი ჯანდაცვისკენ სწრაფვა, მსოფლიო სამედიცინო განათლების ხარისხის გაზრდა, სამედიცინო განათლების უმაღლესი სამეცნიერო და ეთიკური სტანდარტების ხელშეწყობით. ამ მიზნის მიიღწევა შესაძლებელია სამედიცინო განათლების სტანდარტების შემუშავებით, სამედიცინო სკოლების აკრედიტაციის ხელშეწყობით, სამედიცინო განათლების შესახებ მონაცემთა ბაზების შემუშავებით, მედიცინისა და სამედიცინო განათლების მომავლის პროექტებით და სხვა პუბლიკაციებითა და პარტნიორობით.

FAIMER გლობალური ორგანიზაციაა, რომელიც ცდილობს, გააუმჯობესოს საზოგადოების ჯანმრთელობა ჯანდაცვის მიმართულებით განათლების ხარისხის ამაღლებით, საგანმანათლებლო შესაძლებლობების შექმნით, კვლევების ჩატარებით და მონაცემთა რესურსების ხელმისაწვდომობით. იგი ემსახურება მასწავლებლების, მკვლევრების, მარეგულირებლებისა და პოლიტიკის შემქმნელების საერთაშორისო საზოგადოებებს, რომლებიც პოტენციურად განსაზღვრავს ჯანდაცვის უკეთეს მომავალს. FAIMER აერთიანებს ექსპერტთა ფართო ჯგუფს, რომელიც უზრუნველყოფს სამედიცინო სფეროს მდგრად განვითარებას და ქმნის ჯანდაცვის სისტემურ პროვაიდერებს და აწვდის ჯანდაცვას”, - ნათქვამია ინფორმაციაში.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
ახალ სტრატეგიულ პერიოდში „პაშა ბანკი საქართველო“ მიზნად ისახავს, გახდეს ერთ-ერთი მთავარი არჩევანი ადგილობრივი კორპორატიული მომხმარებლებისთვის