ქობულეთში, ახალი მოწვევის საკრებულოს სხდომის დაწყებამდე ''ერთიანი ნაციონალური მოძრაობის'' წევრებმა აქცია-პერფორმანსი გამართეს. მათ საკრებულოს შენობასთან ბანერები წარწერებით ''თავისუფლება მიშას'' და ბათუმის ახალი მოწვევის საკრებულოს გარდაცვლილ დეპუტატის ნუგზარ ფუტკარაძის ფოტოები მიიტანეს.

მათი განცხადებით, დაუყოვნებლივ უნდა დადგეს თორნიკე რიჟვაძის მამის, დავით რიჟვაძის პასუხისმგებლობის საკითხი. მათი თქმით, ნუგზარ ფუტკარაძე სისტემის მსხვერპლია.

"ქვეყნის აღმშენებელი პრეზიდენტი პუტინის პირადი პატიმარია. მათ საარჩევნო პროცესში ყველა ხერხს მიმართეს: დაშინებას და შანტაჟს", - აცხადებენ შეკრებილები.

მსგავსი აქცია-პერფორმანსი ხელვაჩაურის საკრებულოს შენობასთანაც გაიმართა.