საკრებულოს კომისიებში დამოუკიდებელი დეპუტატების კვოტირების საკითხთან დაკავშირებით, თბილისის საკრებულოს ოპოზიციონერი წევრების ნაწილი საკონსტიტუციო სასამართლოსთვის მიმართვას გეგმავს

საკრებულოს კომისიებში დამოუკიდებელი დეპუტატების კვოტირების საკითხთან დაკავშირებით საკრებულოს ოპოზიციონერი წევრების ნაწილი საკონსტიტუციო სასამართლოსთვის მიმართვას გეგმავს.

საკრებულოს სხდომაზე კომისიებში დეპუტატების კვოტირების საკითხი დეპუტატებს შორის დაპირისპირების საგანი გახდა.

ორი სხვადასხვა საარჩევნო სუბიექტის დამოუკიდებელ დეპუტატებს ერთსა და იმავე კომისიაში სურდათ გაწევრიანება, თუმცა, საკრებულოს თავმჯდომარის გიორგი ტყემალაძის განმარტებით, რეგლამენტი ორივეს ერთდროულად ამის საშუალებას არ აძლევს.

სხდომაზე პარტია "ხალხისთვის" და "ლელოს" დეპუტატები ამტკიცებდნენ, რომ მათ შეეძლოთ ერთსა და იმავე კომისიაში გაწევრიანება და შექმნილი გაურკვევლობის აღმოსაფხვრელად საკონსტიტუციო სასამართლოსაც მიმართავდნენ.

სხდომაზე, იგივე აზრი დააფიქსირა "ნაციონალური მოძრაობის" წევრმა ლილე ლიპარტელიანმა, რომელიც სხდომათა დარბაზში დროებით დაბრუნდა.

"რას ნიშნავს ერთი კვოტა? ადგილობრივი თვითმმართველობის კოდექსი ცალსახად გეუბნებათ, რომ აქვს ვალდებულება, კომისიის წევრი იყოს დამოუკიდებელი დეპუტატი. უკაცრავად, მაგრამ ადგილობრივი თვითმმართველობის კოდექსი რასაც გეუბნებათ, იმას რეგლამენტით ვერ გაწერთ. ეს არის საკრებულოს წევრის შეზღუდვა. თუ ოპოზიციასთან თანამშრომლობა გინდათ, ხელის გადაგრეხვა კი არა, კონსტრუქციულობა პირველ რიგში თქვენგან უნდა მოდიოდეს. ამ შემთხვევაში, როცა დამოუკიდებლები არიან და აქვთ უფლება კომისია აირჩიონ, თქვენი განკარგულებით ვერ შეუზღუდავთ ვერავის, რომ კომისიის წევრი იყოს", - მიმართა ლილე ლიპარტელიანმა გიორგი ტყემალაძეს. საპასუხოდ, თბილისის საკრებულოს ახლად არჩეულმა თავმჯდომარემ მას მიმართა, სასამართლოსთვის მიემართა.

"მიბრძანდით სასამართლოში. ჩვენ არავის უფლებებს არ ვზღუდავთ. 41% ავიღეთ თუ 45%, ჩვენ საკრებულოში უმრავლესობა გვაქვს და შეეგუეთ ამას",-განაცხადა ტყემალაძემ.

დიმიტრი შველიძე - ოპოზიციამ ვერ მოძებნა სამოქმედო, ვერც ფორმულა და ვერც ლოზუნგი
პოლიტიკა ბიზნესის წინააღმდეგ ანუ რა არის მთავარი პრობლემა ქართულ ტელემედიაში?!
ქართული პრესის მიმოხილვა 30.03.2023
კახა ოქრიაშვილი რესპუბლიკურ საავადმყოფოზე - ეს არის ერთადერთი სახელმწიფოებრივი მიდგომა ამ საკითხთან დაკავშირებით
„ვოლტის“ სათავო ოფისი ოფიციალურ განცხადებას ავრცელებს
„თეთრი კვადრატი“ საბურთალოზე 2 ახალ პროექტს იწყებს
განაახლე შენი გარდერობი Cashback-სა და VISA-სთან ერთად
„სმარტმა“ ბათუმში 35-ე სუპერმარკეტი გახსნა
კომპანია „ვილა-ოქროყანა“ განცხადებას ავრცელებს