მომდევნო წლიდან საჯარო სექტორში დასაქმებულ პირებს ხელფასი 10%-ით გაეზრდებათ

ფინანსთა მინისტრმა, ლაშა ხუციშვილმა საქართველოს მთავრობის სხდომაზე განმარტა, ვის გაეზრდება მომავალი წლიდან ანაზღაურება. როგორც მან აღნიშნა, ხელფასების მატება შეეხებათ როგორც საჯარო მოხელეებს, ასევე მასწავლებლებს, ექიმებს და სხვადასხვა სფეროში დასაქმებულებს.

„მომდევნო წლის იანვრიდან ხელფასები გაიზრდება ჯარში, პოლიციაში. გარდა ამისა, მასწავლებლებს გაეზრდებათ, სკოლის ადმინისტრაციულ პერსონალს, მანდატურებს, სოფლის ექიმებს, ექთნებს, სასწრაფო დახმარების სამსახურის ყველა თანამშრომელს. საჯარო სექტორში განხორციელდება 10%-იანი სახელფასო მატება“,-განაცხადა ხუციშვილმა.

გარდა ამისა, მან განმარტა, რომ გაიზრდება დახმარებების რაოდენობაც.

„მკვეთრად გამოხატული შშმ პირთა და 18 წლამდე შშმ პირთა ყოველთვიური სოციალური დახმარება იზრდება 25 ლარით. ომში მონაწილე ვეტერანების ყოველთვიური 22-ლარიანი დახმარება იზრდება 100 ლარამდე. გათვალისწინებულია სასწრაფო დახმარების ბრიგადების და სოფლის ექიმების ანაზღაურების 10%-იანი ზრდა. გარდა ამისა, გათვალისწინებულია მუნიციპალიტეტში არსებული სასწრაფო ბრიგადების ხელფასების თბილისში არსებულ ხელფასებთან გათანაბრება სრულად. გათვალისწინებულია ჯანდაცვის ახალი პროგრამების დაფინანსებაც, რომელიც მანამდე არ არსებობდა“, - განაცხადა ხუციშვილმა.

როგორც მან აღნიშნა, გათვალისწინებულია სკოლის ადმინისტრაციული პერსონალის ხელფასების 10%-იანი ზრდა და ასევე, მანდატურების, სოციალური მუშაკების ხელფასების ზრდაც.

„მომდევნო წელს სრულად იქნება დაფინანსებული სოციალურად დაუცველ ოჯახებში ბავშვების დახმარება, თითოეულ ბავშვზე ყოველთვიურად 100 ლარის ოდენობით. ჯანდაცვის ბიუჯეტი კოვიდთან მიმართებით უშუალოდ შეადგენს 500 მლნ ლარს. ჩვენ წელს შევიძინეთ ვაქცინების ის რაოდენობა, რომელიც მომდევნო წელს საკმარისია“, - განაცხადა ხუციშვილმა.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 27.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი