ბათუმის მერიასთან მოძრაობა „არ გადადოს“ წევრებმა აქცია-პერფორმანსი გამართეს. შეკრებილებმა ბათუმის მერიას განცხადებით მიმართეს და ავარიულ სახლებთან დაკავშირებული საკითხის შესწავლა მოითხოვეს.

აქციის მონაწილეებმა პროტესტის ნიშნად მერიის შენობასთან ავარიული სახლების ფოტოები მიიტანეს.

„ბათუმში 3000- ზე მეტი ადამიანი ავარიულ სახლში ცხოვრობს და ყოველდღიურად სიცოცხლის საფრთხის ქვეშაა. ვითხოვთ, მერიის დაფინანსებით ყველა ავარიული სახლზე ექსპერტიზის დასკვნა გაკეთდეს, რისი საშუალებაც მოსახლეობას არ აქვს.

განცხადების სახით მივმართავთ დღეს მერიას და დროულ რეაგირებას ვითხოვთ“, - განაცხადა აქციის მონაწილე გიგა ნაგერვაძემ.