გრიგოლ გეგელია - მივესალმები კონგრესმენების კინზინგერის და კოტონის განცხადებებს აშშ-სა და საქართველოს შორის სამხედრო და ეკონომიკური კავშირების გაღრმავების აუცილებლობაზე
მივესალმები კონგრესმენების კინზინგერის და კოტონის განცხადებებს აშშ-სა და საქართველოს შორის სამხედრო და ეკონომიკური კავშირების გაღრმავების აუცილებლობაზე,- ამის შესახებ "ლელოს" ერთ-ერთმა ლიდერმა, გრიგოლ გეგელიამ განაცხადა.
მისი თქმით, ეს სწორედ ის ზომებია, რომლის გადაუდებელ აუცილებლობაზე "ლელო" ბოლო პერიოდში აქტიურად საუბრობდა.
"ჩვენ აქტიურად განვაგრძობთ მუშაობას ამ მიმართულებებით საერთაშორისო პარტნიორების მხარდაჭერის მოსაპოვებლად. ამ ურთულეს რეგიონალურ კონტექსტში, საქართველოს სჭირდება აშშ-ის სამხედრო ერთეულების მუდმივი ყოფნა საქართველოში, რათა ჩვენს სუვერენულ ტერიტორიაზე შემოჭრა მტერს ძვირი დაუჯდეს. იმავე დროს, ჩვენ გვჭირდება აშშ-სთან თავისუფალი ვაჭრობის ხელშეკრულება ეკონომიკური და პოლიტიკური კავშირების გასაღრმავებლად.
კარგია, როდესაც ჩვენ გვყავს პარტნიორები, რომლებიც საუკეთესო ქართული ინტერესების დასაცავად იბრძვიან, მაგრამ ცუდია, როდესაც გვყავს ხელისუფლება, რომელიც ვერ იყენებს ამ შესაძლებლობებს. ახლა, იმ ფონზე
როდესაც ვაშინგტონში ვისმენთ საუბარს NATO-ს აღმოსავლეთ ფრონტის გაძლიერების აუცილებლობაზე, უაღრესად მნიშვნელოვანია, რომ საქართველომ გამოიყენოს ეს მომენტუმი. "ლელო" ამაში აქტიურ წვლილს შეიტანს“, - განაცხადა გეგელიამ.
ინფორმაციას „ლელოს“ პრესსამსახური ავრცელებს.
v-if="article.gallery" v-html="article.gallery"
