ხელვაჩაურის მუნიციპალიტეტის სოფელ ჭარნალში შუა ხნის მამაკაცმა ცოლი და შვილი ნაჯახით მოკლა, შემდეგ კი სიცოცხლე თვითმკვლელობით დაასრულა.
არსებული ინფორმაციით, შუა ხნის მამაკაცს ფსიქიკური პრობლემები ჰქონდა.
იმ ოჯახში, სადაც მამაკაცმა ცოლი და 21 წლის შვილი მოკლა, კიდევ ორი ადამიანი ცხოვრობს, 24 წლის გოგო და მამაკაცის 82 წლის დედა.
როგორც სოფლის რწმუნებულმა ნუგზარ აბაშიძემ „ინტერპრესნიუსს“ განუცხადა, მამაკაცი, რომელსაც სავარაუდოდ, ჯანმრთელობის პრობლემები აქვს, შესაბამის დაწესებულებაში აღრიცხვაზე არ იმყოფებოდა.
შემთხვევა დღეს დილით მოხდა. ადგილზე სამართალდამცავები იმყოფებიან.
როგორც საქართველოს შინაგან საქმეთა სამინისტროში "ინტერპრესნიუსს" განუცხადეს, ფაქტზე გამოძიება "სისხლის სამართლის კოდექსის" 109-ე მუხლით მიმდინარეობს, რაც განზრახ მკვლელობას დამამძიმებელ გარემოებაში გულისხმობს.