ჩხოროწყუს საკრებულოს სხდომა, სადაც საკრებულოს თავმჯდომარისთვის კენჭი განმეორებით უნდა ეყარათ, კვორუმის არარსებობის გამო გადაიდო

ჩხოროწყუს საკრებულოს სხდომა, სადაც საკრებულოს თავმჯდომარისთვის კენჭი განმეორებით უნდა ეყარათ, კვორუმის არარსებობის გამო გადაიდო. საკრებულოს წევრები ერთი კვირის ფარგლებში კვლავ შეიკრიბებიან.

სხდომის დაწყებისას საკრებულოში შემავალი სამი ოპოზიციური პარტიის - "ერთიანი ნაციონალური მოძრაობის“, პარტია "საქართველოსთვის" და "ლელო" წარმომადგენლებმა, რომლებსაც საერთო ჯამში უმრავლესობა აქვთ, განაცხადეს, რომ მხარს ოპოზიციურ კანდიდატს დაუჭერდნენ, ამ შემთხვევაში ეს პარტია "საქართველოსთვის" წევრი შოთა წურწუმია იყო, თუმცა კენჭისყრის შემდეგ სულ სხვა შედეგი დადგა.

კენჭისყრის შედეგების თანახმად, "ქართული ოცნების" კანდიდატს ჯუმბერ იზორიას მხარი ერთმა ოპოზიციონერმა დეპუტატმაც დაუჭირა, თუმცა კონკრეტულად რომელი პარტიის წარმომადგენელმა, უცნობია, რადგან კენჭისყრა ფარული პრინციპით ჩატარდა.

გამომდინარე იქიდან, რომ მეტი ხმა ჯუმბერ იზორიამ მოიპოვა, თუმცა საკრებულოს თავმჯდომარის პოსტის დასაკავებლად ეს საკმარისი არ იყო, ხელმეორე კენჭისყრა დაინიშნა, რომელშიც მონაწილეობა არც ერთმა ოპოზიციურმა პარტიამ არ მიიღო. ოპოზიციის წარმომადგენლებმა პროტესტის ნიშნად საკრებულოს სხდომა დატოვეს.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 19.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის