ზუგდიდის საკრებულოს სამანდატო კომისიის თავმჯდომარე - „ნაცმოძრაობა“ პროცედურული საკითხების შემდეგ ტოვებს სხდომებს, რაც ხდება საფუძველი, რომ საკრებულოს თავმჯდომარის არჩევა ვერ მოხდეს

მოვუწოდებ საკრებულოს ყველა წევრს და პოლიტიკურ სუბიექტს, რომ კრიზისის შექმნას ხელი არ შეუწყოს, - ამის შესახებ ზუგდიდის საკრებულოს დროებითი სამანდატო კომისიის თავმჯდომარემ სანდრო სორდიამ განაცხადა.

მისი თქმით, „ერთიანი ნაციონალური მოძრაობა“ სხდომებს გარკვეულ პროცედურების შემდეგ ტოვებს და საბოლოოდ, კვორუმის არასებობის გამო, თავმჯდომარეს ვერ ირჩევენ.

„კანდიდატის დასახელებამდე და კენჭისყრამდე არ მივსულვართ. როგორც ხედავთ, „ნაციონალური მოძრაობა“ ტოვებს სხდომებს გარკვეული პროცედურული საკითხების შემდგომ, რაც ხდება საფუძველი იმის, რომ კვორუმის არარსებობის გამო პროცედურულად ვერ მოხდეს საკრებულოს თავმჯდომარის არჩევა, რაც, რა თქმა უნდა, კრიზისის შექმნის საფუძველია. მე მოვუწოდებ ყველა პასუხისმგებლიან დეპუტატს და პოლიტიკურ სუბიექტს, რომ კრიზისის შექმნას ხელი არ შეუწყონ.

„ნაციონალურმა მოძრაობამ“ დატოვა სხდომათა დარბაზი და კრიზისისკენ გადადგა კიდევ ერთი ნაბიჯი. ანუ შექმნა საფუძველი იმის, რომ საკრებულოს თავმჯდომარის კანდიდატურის დასახელებაც კი ვერ შეძლონ პოლიტიკურმა ძალებმა",- განაცხადა სანდრო სორდიამ.

ზუგდიდის საკრებულომ დღეს საკრებულოს თავმჯდომარე კვლავ ვერ აირჩია.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს