დღეს, ჩხოროწყუს ახალი მოწვევის საკრებულო მესამედ იკრიბება. მთავარი საკითხი კვლავ საკრებულოს თავმჯდომარის არჩევაა. კენჭისყრაში მხოლოდ ერთი კანდიდატი, „ქართული ოცნებიდან" ჯუმბერ იზორია მონაწილეობს.
თავმჯდომარის ასარჩევად კენჭისყრა გასულ კვირასაც ჩატარდა, თუმცა პირველ ჯერზე ასარჩევად საკმარისი რაოდენობის ხმები ვერც ერთმა კანდიდატმა ვერ მიიღო. ამავე დღეს კენჭისყრის განმეორებით ჩატარება იყო დაგეგმილი, თუმცა სხდომა უკვე კვორუმის არ არსებობის გამო ჩაიშალა. გასულ კვირას თავმჯდომარის პოზიციაზე საკუთარი კანდიდატურები „ქართულმა ოცნებამ“ და გიორგი გახარიას პარტიამ „საქართველოსთვის“ დაასახელეს.
დღეს სხდომას დეპუტატები სრული შემადგენლობით ესწრებიან.