კახეთის სახელმწიფო რწმუნებული, ირაკლი შიოშვილი განცხადებას ავრცელებს

კახეთის სახელმწიფო რწმუნებული, ირაკლი შიოშვილი განცხადებას ავრცელებს.როგორც შიოლაშვილი აღნიშნავს, მცდარია გავრცელებული ინფორმაცია, რომლის თანახმადაც ის 11 დეკემბერს, „ქართული ოცნების“ ღონისძიებიდან ბრუნდებოდა, რა დროსაც ავტოსაგზაო შემთხვევა მოხდა. მისივე თქმით, სიმართლეს არ შეესაბამება ინფორმაცია, რომ ის ალკოჰოლის ზემოქმედების ქვეშ იმყოფებოდა.

„მიმდინარე წლის 12 დეკემბერს, სამსახურებრივი ავტომობილით სიღნაღის მუნიციპალიტეტიდან ვბრუნდებოდი თელავში. კონკრეტულად, ბაკურციხე-გურჯაანის შემოვლით გზაზე მომიხდა ავტოსაგზაო შემთხვევა. ამ შემთხვევის შედეგად, დავშავდი პირადად მე და დაზიანდა სამსახურებრივი ავტომობილი. ამჟამად, გავდივარ სამედიცინო მკურნალობის კურსს თბილისში.

რაც შეეხება, კონკრეტული ოპოზიციური პარტიის წარმომადგენლის მიერ, ჩემი მისამართით გავრცელებულ ცილისმწამებლურ ტყუილსა და დეზინფორმაციას, რომ თითქოს მე, 11 დეკემბერს, „ქართული ოცნების“ ღონისძიებიდან ვბრუნდებოდი, კონკრეტულად, წინანდლიდან თელავში და მაშინ მომიხდა ავტოსაგზაო შემთხვევა და თან ვიმყოფებოდი ალკოჰოლის ზემოქმედების ქვეშ, სრული პასუხისმგებლობით ვაცხადებ, რომ არის სიცრუე!

1. ჩემი ჯანმრთელობის მდგომარეობიდან გამომდინარე, საერთოდ არ ვარ ალკოჰოლის მომხმარებელი. სულ რამდენიმე დღეა გასული, რაც კორონა ვირუსი მოვიხადე და ამჟამად, გავდივარ პოსტკოვიდური შედეგების მკურნალობას.

2. შემთხვევა მომიხდა კვირას, 12 დეკემბერს, საღამოს საათებში, ხოლო წინანდალში, „ქართული ოცნების“ ღონისძიება შაბათს, 11 დეკემბერს გაიმართა.

3. ავტოსაგზაო შემთხვევის შემდეგ, სასწრაფო სამედიცინო მომსახურების ჯგუფმა გადამიყვანა გურჯაანის „ჯეო ჰოსპიტალში“. რამდენიმე საათის შემდეგ, კი გადამიყვანეს თბილისის ერთ -ერთ საავადმყოფოში. ფიზიკურად ვერ შევძლებდი მისვლას, ვერც თელავის საავადმყოფოში და ბუნებრივია, არც არავის დაუმალია ინფორმაცია ჩემი ავტოსაგზაო შემთხვევის შესახებ.

მადლობას ვუხდი თითოეულ იმ ადამიანს, ვინც ამ შემთხვევის გამო ნამდვილი გულშემატკივარი აღმოჩნდა და გულთან მიიტანა ჩემი მდგომარეობა. დამიჯერეთ, თქვენ გაცილებით მეტი ხართ და ვერ შეგედრებათ ვერცერთი ცილისმწამებელი, მთელი ცხოვრება, საკუთარი რეიტინგის გაუმჯობესებისთვის სხვაზე ტყუილების შეთხზვით დაკავებული მეზღაპრე“,- აღნიშნავს შიოშვილი.

ინფორმაციას კახეთის მხარეში სახელმწიფო რწმუნებულის ადმინისტრაცია ავრცელებს.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს