გუდაურში 28 წლის თამაზ გორთამაშვილის მკვლელობაში ბრალდებული მერაბ კობიაშვილი ნაფიც მსაჯულთა სასამართლომ უდანაშუალოდ ცნო

გუდაურში 28 წლის თამაზ გორთამაშვილის მკვლელობაში ბრალდებული მერაბ კობიაშვილი ნაფიც მსაჯულთა სასამართლომ უდანაშაულოდ ცნო.

აღნიშნული გადაწყვეტილება გორის რაიონულ სასამართლოში ნაფიც მსაჯულთა სასამართლომ მიიღო.

მერაბ კობიაშვილის ადვოკატის, ტარიელ კაკაბაძის განცხადებით, განზრახ მკვლელობის ნაწილში 12 ნაფიცი მსაჯულიდან 10-მა კობიაშვილი უდანაშაულოდ მიიჩნია, შესაბამისად, დამნაშავედ 2-მა მსაჯულმა ცნო, რაც ხმათა უმრავლესობით გამამართლებელ ვერდიქტს ნიშნავს.

რაც შეეხება მკვლელობის მცდელობას, ნაფიცმა მსაჯულებმა მერაბ კობიაშვილი ამ ნაწილში სრულად, ერთხმად გაამართლეს.

„ძალიან დიდი ხანი ითათბირეს, 4 საათი არ ეყოთ, მერე კიდევ 3 საათი დაამატეს და შემდეგ გამოიტანეს ვერდიქტი. 19/109-ე მუხლში 12:0-ზე გაიყო ხმები, 108-ე მუხლში 10/2-ზე გაიყო ხმები. 19/109-ე მუხლი 2 ან მეტი პირის განზრახ მკვლელობის მცდელობას გულისხმობს, 108-ე მუხლი კი ერთი პირის განზრახ მკვლელობას გულისხმობს“, - განაცხადა კაკაბაძემ.

შეგახსენებთ, რომ 2020 წლის 16 თებერვალს, გუდაურში ახალგაზრდა მამაკაცი მოკლეს, ერთი კი დაჭრეს. აღნიშნულთან დაკავშირებით, სამართალდამცავებმა მერაბ კობიაშვილი დააკავეს. კობიაშვილს მკვლელობას, მკვლელობის მცდელობასა და ძალადობას ედავებოდნენ.

ამასთან, პროკურატურამ მერაბ კობიაშვილის მიმართ ჯგუფურად განხორციელებული ძალადობის ფაქტზე ბრალი 6 პირს წარუდგინა და მათი საქმე ცალკე წარმოებად გამოიყო.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ