რუსთავში საახალწლო ღონისძიებებისთვის მზადება  მიმდინარეობს

რუსთავში, თავისუფლების მოედანზე ქალაქის მთავარი ნაძვის ხე, ცენტრალურ ქუჩებში და პარკებში სახალწლო ილუმინაციები 25 დეკემბერს ჩაირთვება.

როგორც რუსთავის მერიის ინფორმაციაშაი აღნიშნული, ფალიაშვილის ქუჩაზე ახლადრეაბილიტირებულ ახალგაზრდობის სკვერში, საახალწლო სოფლის მოწყობა და ქალაქის სადღესასწაულოდ გაფორმება, აქტიურად მიმდინარეობს.

მათივე ინფორმაციით, საახალწლო სოფელში სადღესასწაულო ღონისძიებები ოთხი დღის განმავლობაში 30-31 დეკემბერს და 1- 2 იანვარს გაიმართება. ღონისძიებები და კონცერტები ჩატარდება თეატრის უკან მდებარე ახალ სკვერში და გიორგი ლეონიძის სახელობის სკვერშიც.

„საქართველოში, კოვიდპანდემიის გათვალისწინებით, რეალურად რა მდგომარეობაც გვაქვს, რუთავში ახალ წელს შედარებით მოკრძალებულად შევხვდებით. რა თქმა უნდა, მეტი ღონისძიების ჩატარების სურვილი გვაქვს, მაგრამ რეალობა ასეთია. თუმცა ეს იმას არ ნიშნავს, რომ საახალწლო განწყობა ქალაქში არ გვექნება. ქუჩებისა და სკვერების საახალწლოდ მორთვა უკვე მიმდინარეობს. ჩვენ გადავწყვიტეთ, რომ საახალწლო ღონისძიებები სამ სხავადასხვა ლოკაციაზე იქნება, რაც ვფიქრობ, რომ ძალიან პოზიტიურ საახალწლო განწყობას შექმნის ჩვენს ქალაქში“, - განაცხადა ჟურნალისტებთან საუბარისას რუსთავის მერმა ნინო ლაცაბიძემ.

ნინო ლაცაბიძის თქმით, საახალწლო საჩუქარი მოუმზადა ქალაქს საზოგადოება „რუსთაველებმა“.

„26 და 30 დეკემბერს, საზოგადოება ,,რუსთაველების“ ორგანიზებითა და ქალაქ რუსთავის მუნიციპალიტეტის მერიის მხარდაჭერით, მუსიკალური ლაივ ბენდების Reggaeon-ის, Goofy Land-ის, „გაგა ფრანის“, „გელა გნოლიძის და ბენდის“ მონაწილეობით, საახალწლო საღამოები გაიმართება“, - განაცხადა რუსთავის მერმა.

გიორგი კაჭარავა - ყაზახეთში არსებული ვითარება ბევრ კითხვებს ბადებს, თუ რა სცენარით განვითარდება პროცესები, დასკვნების გაკეთება აშკარად ნაადრევია
მამუკა გამყრელიძე - მსოფლიოში  დაიწყო ახალი გადანაწილება,  არსებული შეთანხმებები და  ფორმატები  ეფექტურად ვეღარ მუშაობს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ავერსი სოციალურად დაუცველ პენსიონერს მერიის 500-ლარიანი ვაუჩერის პროგრამის ფარგლებში მოემსახურება ყოველდღე ფასდაკლებით და საჩუქრად გადასცემს 50-ლარიან სასაჩუქრე ბარათს
„მაგნიტში“ გრანდიოზული საიუბილეო გათამაშება დაიწყო
სილქფესტი სასაუბრო და ინტერნეტ პაკეტების ჩართვას სხვადასხვა პირობით გვთავაზობს
IONIQ 5-ისა და TUCSON-ის ჰოლივუდური დებიუტი ახალ სპაიდერმენში