ხელვაჩაურის საკრებულოს სხდომაზე ხმაური იყო

ხელვაჩაურის საკრებულოს სხდომაზე ხმაური იყო. „ერთიანი ნაციონალური მოძრაობის" წევრებმა სხდომა პროტესტის ნიშნად დატოვეს.

მათი განცხადებით, მუნიციპალიტეტის 2022 წლის ბიუჯეტი მოსახლეობაზე არ არის მორგებული, იგი მმართველ გუნდს საკუთარი ხელფასების ზრდაზე აქვს ორიენტირებული.

საკრებულოს დარბაზის დატოვებამდე, პროტესტის ნიშნად, "ერთიანი ნაციონალური მოძრაობის" წევრებმა მიხეილ სააკაშვილისა და გარდაცვლილი ნუგზარ ფუტკარაძის ფოტოები გამოფინეს.

მათი თქმით, ნუგზარ ფუტკარაძის საქმე არაობიექტურად მიმდინარეობს, რაც შეეხება მიხელ სააკაშვილს, იგი ცრუ ბრალდებების გამო სასჯელს იხდის.

"ბიუჯეტი მოსახლეობაზე არ არის მორგებული. ხელფასების ზრდის ნაცვლად, ეს თანხები მოსახლეობისთვის უნდა იყოს მობილიზებული.

სოფლებში მოსახლეობას გზა არა აქვს, ყოველი სტიქიის დროს ბავშვებს თავზე აწვიმთ", - განაცხადეს "ნაციონალური მოძრაობის" წევრებმა.

"დამნაშავე ციხეში უნდა იჯდეს, შესაბამისად სააკაშვილი ციხეში ზის. რაც შეეხება ბიუჯეტს, ის ხალხზე მორგებულია და მათი შენიშვნები სიმართლეს არ შეესაბამება. ბიუჯეტში სოციალური სახლის მშენებლობა და სხვა უამრავი პროექტია გათვალისწინებული",- აცხადებენ მმართველ გუნდში.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში