ქუთაისის მერიის ინფორმაციით, #EU4Culture პროექტის ფარგლებში, ქუთაისის კულტურის განვითარების სტრატეგიაზე მუშაობა მიმდინარეობს, რომელიც კულტურის და შემოქმედებითი ინდუსტრიების წარმომადგენლებთან შეხვედრებსაც მოიცავს.

მათივე ცნობით, 17 დეკემბერს შეხვედრები გაიმართა მუსიკით (შემსრულებლები, ჩამწერი ორგანიზაციები); კულტურული მემკვიდრეობით (მატერიალური და არამატერიალური მემკვიდრეობა, მუზეუმები, ბიბლიოთეკები, არქივები); საშემსრულებლო ხელოვნებით (თეატრი, ცეკვა, ბალეტი, ოპერა); ლიტერატურითა და საგამომცემლო საქმით ( მწერლები, პოეტები, გამომცემლობები, ელექტრონული წიგნების ჩათვლით) დაინტერესებულ ჯგუფებთან და ინდივიდებთან.

ამასთან, სამუშაო შეხვედრებზე ისაუბრეს კულტურის კონკრეტულ სექტორებში არსებულ პრობლემებსა და გამოწვევებზე, გეგმებსა და მიზნებზე.

ქუთაისის კულტურის განვითარების სტრატეგიაზე სამუშაო შეხვედრა ამჯერად აკაკი წერეთლის სახელმწიფო უნივერსიტეტში გაიმართა.