ქუთაისის ცენტრალურ მოედანზე ხვალ ქალაქის მთავარი ნაძვის ხე საზეიმოდ აინთება

ქუთაისის მერის იოსებ ხახალეიშვილის განცხადებით, 20 დეკემბერს, ქუთაისის ცენტრალურ მოედანზე ქალაქის მთავარი ნაძვის ხე აინთება.

როგორც ხახალეიშვილმა „ფეისბუქ-ლაივისას“ განაცხადა, ქუთაისელებს გამორჩეული საღამო ელოდებათ.

"20 დეკემბერია და ყველა ერთად ველოდებით ჩვენი განსაკუთრებული ნაძვის ხის ანთებას. მინდა, ყველას გთხოვოთ, რომ 19:00 საათზე მობრძანდეთ ცენტრალურ მოედანზე, რათა ყველამ ერთად ავანთოთ მთავარი ნაძვის ხე. სამწუხაროდ, შარშან, პანდემიის გამო, ცენტრალური ნაძვის ხის ერთად ანთება ვერ შევძელით, სწორედ ამიტომ განსაკუთრებულად ვიზრუნეთ იმისათვის, რომ წელს ეს ღონისძიება გამორჩეული იყოს. გამორჩეულია ჩვენი ნაძვის ხეც. გუშინ ინტერნეტსივრცეში გასულმა რამდენიმე წამიანმა კადრმა ძალიან დიდი ყურადღება და მოწონება დაიმსახურა, მაგრამ ეს არაფერია იმასთან შედარებით, რაც ხვალ გველოდება. განათებულია რუსთაველის გამზირი, რომელიც ულამაზესია. მიმდინარე წელს ახალი ილუმინაციებით გავანათეთ რამდენიმე ახალი ადგილი. ასე რომ, ხვალ ძალიან კარგი და გემოვნებიანი ღონისძიება გელოდებათ“, - განაცხადა ქუთაისის მერმა.

მისივე თქმით, საახალწლო ღონისძიებები მომავალ დღეებშიც გაგრძელდება.

"არა მხოლოდ 20 დეკემბერს, არამედ მომდევნო დღეებშიც არაერთი კონცერტი გაიმართება, 30-31 დეკემბერს ქალაქის მასშტაბით გრანდიოზული ღონისძიებები იქნება. იქნებიან მოწვეული სტუმრებიც, 31 დეკემბერს კი, ჩვენს მშობლიურ ქალაქს კონცერტს მთლიანად ჩვენი თანაქალაქები მიუძღვნიან, იქნება გრანდიოზული ფოიერვერკი და ყველა ერთად შევხვდებით 2022 წლის დადგომას. გელოდებით ხვალ, 19:00 საათზე, ქალაქის მთავარ მოედანზე - მთავარი ნაძვის ხის ასანთებად“, - განაცხადა იოსებ ხახალეიშვილმა.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა