ქუთაისში, ცენტრალურ მოედანზე, ქალაქის მთავარი ნაძვის ხე საზეიმოდ აინთო

ქუთაისში, ცენტრალურ მოედანზე, ქალაქის მთავარი ნაძვის ხე საზეიმოდ აინთო.ქუთაისის მერიის მიერ გავრცელებული ინფორმაციით, ღონისძიებას ესწრებოდა ქუთაისის მერი იოსებ ხახალეიშვილი, მაჟორიტარი დეპუტატი ზაზა ლომინაძე, ადგილობრივი ხელისუფლების და საზოგადოების წარმომადგენლები.

ქუთაისის მერმა იოსებ ხახალეიშვილმა შეკრებილი საზოგადოებისთვის სიტყვით მიმართვისას აღნიშნა, რომ 2022 წელი ქუთაისისთვის იქნება განვითარების, ახალი პროექტების და ადამიანთა კეთილდღეობაზე ორიენტირებული წელი.

„გილოცავთ დამდეგ ახალ წელს! 2022 წლის მოლოდინი იმედით გვავსებს, რომ ყველა სირთულეს, რაც 2021 წელს იყო, დავძლევთ! პანდემიის გამო მონატრებული გვქონდა ასეთი სახალხო ზეიმი და სწორედ ამიტომ მივიღეთ გადაწყვეტილება, დღეს თქვენთან ერთად აგვენთო ნაძვის ხე.

2022 წელი ქუთაისისთვის იქნება განვითარების, წინსვლის, უამრავი ახალი პროექტის და ადამიანთა კეთილდღეობაზე ორიენტირებული წელი.

3500 წლის ავთენტური ქართული ქალაქი, ტრადიციების პატივისცემით და სიახლეებისკენ მუდმივი სწრაფვით, შეძლებს ღირსეულად წარმოაჩინოს თავი როგორც ქვეყანაში, ასევე მსოფლიო მასშტაბებითაც.

ჩვენ ყველა, ერთად, ყველაფერს გავაკეთებთ ამისათვის!

საუკეთესო სურვილები ჩავიფიქრეთ ნაძვის ხის ანთების წინ და გვჯერა, რომ ოცნებები ხდება!

მშვიდობა და ჯანმრთელობა გვქონდეს, წარმატებული და ბედნიერი იყოს ახალი წელი თითოეული თქვენგანისთვის, ჩვენი ოჯახებისა და ჩვენი ქვეყნისთვის!“, - მიმართა შეკრებილ საზოგადოებას იოსებ ხახალეიშვილმა.

ამასთან ინფორმაციაში აღნიშნულია, რომ ნაძვის ხე მელიტონ ბალანჩივაძის სახელობის ცენტრალური სამუსიკო სასწავლებლის ბავშვთა და შერეული გუნდების მიერ შესრულებული სიმღერის თანხლებით აინთო, ღონისძიება კი კონცერტით დასრულდა, რომელშიც ქართული ესტრადის მუსიკოს-შემსრულებლები მონაწილეობდნენ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში